ថាចំចំម្លេះ! រើសបេះដូងដែលចូលចិត្ត ដើម្បីដឹងថា “គូព្រេង” របស់អ្នកមានអត្តចរិត រូបសម្បតិ្តពណ៌សម្បុរបែបណា?
សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំវិធីធ្វើតេស្តចិត្តសាស្ត្រ មួយទៀតមកឲ្យប្រិយមិត្តពិនិត្យមើលការគិត និងបុគ្គលិកលក្ខណះគូព្រេងរបស់អ្នក តាមរយៈការជ្រើសរើសបេះដូងមួយដែលអ្នកចូលចិត្តបំផុត នៅក្នុងរូបខាងក្រោមនេះ ហើយអានចម្លើយខាងក្រោម ។
បេះដូងទី 1
អ្នកមានទំនោរចូលចិត្តមនុស្សដែលមានចិត្តល្អ ប៉ុន្តែប្រសិនបើគាត់មានកម្ពស់រាងទាបអ្នកនឹងមិនសូវស្រឡាញ់ប៉ុន្មានទេ អ្នកចូលចិត្តមនុស្សស្បែកស្រគាំ ភ្នែកមុតស្រួច ចិញ្ចើមខ្មៅ បើបានខ្ពស់ហើយមាឌធំទៀតនឹងឆាប់ពិចារណាជាពិសេស ។
ចំពោះបុគ្គលិកលក្ខណៈវិញ គេត្រូវតែមានចរិតជាបុរសពិត តែចេះទន់ភ្លន់ដាក់មនុស្សស្រី និងមានចរិតចាស់ទុំចេះគិតគូរសព្វគ្រប់ ទោះអាយុតិចឬច្រើនមិនសំខាន់ យ៉ាងណាឲ្យតែគេជាមនុស្សម្នាក់ដែលចេះដឹង មានបទពិសោធន៍ក្នុងជីវិតជ្រៅជ្រះទៅបានហើយ ។
លើសពីនេះអ្នកមិនចូលចិត្តមនុស្សដែលនិយាយច្រើនបូបាច់ និយាយមិនសមហេតុផលហួសដែនកំណត់ទេ ។
បេះដូងទី 2
អ្នកចូលចិត្តមនុស្សឆ្លាត មានទេពកោសល្យ ពូកែលេងកីឡា ជាមនុស្សដែលរៀនពូកែហើយមានកេរ្តិ៍ឈ្មោះល្បីល្បាញ ចំណូលចិត្តរបស់អ្នកនឹងចាប់ផ្តើមដោយការឈ្លក់វង្វេងនឹងសមត្ថភាពរបស់គាត់មុនសិន ។
អ្នកចូលចិត្តបុរសស្អាត មានរសជាតិនិយម មិនថាការនិយាយស្តី ការគិត ឬការស្លៀកពាក់ បើជាបុរសវ័យចាស់ជាងនឹងក្លាយជាគោលដៅដំបូង តែបើជាមនុស្សអាយុស្របាលៗគ្នាមានទំនោរបែកបាក់ដោយសារតែអារម្មណ៍និងចិត្តរឹងរូស។
លើសពីនេះអ្នកដូចជាចូលចិត្តបុរសដែលអាចដឹកនាំអ្នកបាន ដោយសារធម្មជាតិអ្នកមានចិត្តក្រអឺតក្រទម ដឹងតែពីឈ្នះ និងមិនចេះអត់ធ្មត់ទេ ដូច្នេះហើយបើជួបមនុស្សអាយុក្មេងជាងអាចទ្រាំមិនបានទេ មនុស្សដូចអ្នកទាល់តែបុរសចិត្តធ្ងន់ទើបអាចនៅជាមួយគ្នាបាន ។
បេះដូងទី 3
គូព្រេងដែលអ្នកចង់បាន ត្រូវតែជាមនុស្សចេះជួយគ្នាទៅវិញទៅមក បើជួបមនុស្សបែបនេះអ្នកនឹងមានជីវិតអាពាហ៍ពិពាហ៍ដ៏រីករាយ និងជោគជ័យ ។
អ្នកចូលចិត្តមនុស្សឆ្លាតទាំងបញ្ញានិងស្មារតី បុគ្គលដែលនិយាយល្អ ញញឹមញញែម ចេះរាប់ញាតិ គឺជាមនុស្សដែលអ្នកស្រលាញ់បំផុត។ លើសពីនេះអ្នកមិនសូវខ្វល់ពីរូបរាងសំបកក្រៅប៉ុន្មានទេ មិនថាគាត់ធាត់ ឬស្គម ស ឬខ្មៅ ខ្ពស់ ឬទាប រូបរាងល្អ ឬអាក្រក់ អ្នកត្រៀមខ្លួនជាស្រេចដើម្បីមើលរំលងវា ហើយស្រឡាញ់អ្វីដែលគាត់មាន ។
បេះដូងទី 4
បើគេជាមនុស្សមានចរិតស្លូតបូតចេះគួរសម និងរ៉ូមែនទិកបន្តិច ប្រាកដជាត្រូវចិត្តអ្នកណាស់ អ្នកជាមនុស្សដែលស្រឡាញ់បុរសរហ័សរហួន ឧស្សាហ៍ព្យាយាម ចេះគិតគូរអាចជួយដោះស្រាយបញ្ហាបាន តែបើចេញមកលក្ខណៈទន់ជ្រាយខ្វះភាពជាអ្នកដឹកនាំ ដឹងតែមិនត្រូវចិត្តអ្នកទេ ។
ដៃគូរបស់អ្នកទំនងជាជួបនៅអាយុស្របាលគ្នា ហើយត្រូវតែមានផ្នត់គំនិតជាអ្នកដឹកនាំ អាចបង្ក្រាបអ្នកបាន និងអាចធ្វើអោយអ្នកទទួលយកហេតុផលរបស់គាត់ នោះហើយជាអ្វីដែលអ្នកនឹងចាប់អារម្មណ៍ជាពិសេស។
ចំពោះឋានៈមានឬក្រមិនសំខាន់សម្រាប់អ្នកទេ ព្រោះអ្នកគិតថា ទ្រព្យអាចរកបានតាមក្រោយឲ្យតែមានគំនិត លក្ខណៈដែលបានរៀបរាប់ខាងលើនឹងជាលក្ខណៈនៃមិត្តរួមព្រលឹងរបស់អ្នក។
បេះដូងទី 5
គូព្រេងរបស់អ្នកអាចជួបដោយសាច់ញាតិណែនាំ ពេលខ្លះវាហាក់ដូចជារឿងបង្ខំដែរ ព្រោះអ្វីដែលអ្នកមិនចូលចិត្ត ច្រើនតែជាអ្វីដែលគូស្នេហ៍របស់អ្នកចូលចិត្ត។
គូព្រេងរបស់អ្នកត្រូវតែជាមនុស្សម្នាក់ដែលមានអំណាច មានឥទ្ធិពល មានភាពជាអ្នកដឹកនាំ អាចមើលថែគ្រួសារបាន ។ អាចជាមនុស្សមានការងារក្នុងវិស័យរដ្ឋាភិបាល ការងារពេញម៉ោង ការងារទាក់ទងនឹងសំណង់ ឬនៅបរទេស។
ដៃគូរបស់អ្នកត្រូវតែជាអ្នកមានចំណេះដឹងនៅក្នុងផ្នែកណាមួយច្បាស់លាស់ ត្រូវតែជាមនុស្សកក់ក្តៅ នៅជាមួយហើយមានអារម្មណ៍សុវត្ថិភាព ស្រលាញ់អ្នកនិងគ្រួសារ បុរសបែបនេះហើយគឺជាប្រភេទដែលអ្នកស្រឡាញ់ដកចិត្តមិនរួចនោះ ៕
ប្រភព៖ Knongsrok
ព័ត៌មានថ្មីៗ
