អ្នកជំនាញណែនាំឲ្យផឹកភេសជ្ជៈ ៣ នេះរៀងរាល់ព្រឹក បើចង់ស្រកទម្ងន់ឆាប់រហ័ស
ទទួលទានភេសជ្ជៈប្រភេទ ៣ នេះ រៀងរាល់ព្រឹក គឺនឹងអាចផ្តល់ប្រយោជន៍ជាច្រើន ដល់ស្បែកនិងរាងកាយ។ អ្នកជំនាញបានណែនាំឲ្យអ្នកគួរទទួលទានជាប្រចាំ៖
៣) ផឹកទឹកក្ដៅឧណ្ហ៍ៗ
ជាតិពុលបើកាលណាកកកុញក្នុងរាងកាយច្រើន នោះងាយនឹងធ្វើស្បែកឆាប់ចាស់។ ដូច្នេះហើយការទទួលទានទឹកក្ដៅឧណ្ហ៍ៗ មួយកែវរៀងរាល់ព្រឹក គឺពិតជាសំខាន់ ដោយវាអាចជួយគ្រប់គ្រងកោសិកាស្បែក បង្កើនភាពយឺតនៃស្បែក និងកាត់បន្ថយផលប៉ះពាល់នៃរ៉ាឌីកាល់សេរីដែលបង្កជាគ្រោះថ្នាក់ដល់ស្បែក។
ជាងនេះ វាក៏ជួយឲ្យសរីរាង្គនានាក្នុងរាងកាយដំណើរការល្អ ដូចជាប្រព័ន្ធរំលាយអាហារ ការសម្រួលជាតិខ្លាញ់លើស ពោលគាំទ្រពេញទំហឹងដល់ការសម្រកទម្ងន់។ តែយ៉ាងណាសូមទទួលទានតិចៗ កុំសម្រុកលឿន និងបរិមាណច្រើនក្នុងពេលតែមួយ។
២) ផឹកទឹកខ្ញីក្តៅ
ការទទួលទានទឹកខ្ញីក្តៅនៅពេលព្រឹក ប្រៀបដូចជា បានយិនស៊ិនមួយមកក្នុងខ្លួន។ វាផ្តល់ប្រយោជន៍ច្រើនណាស់ ដោយវាប្រឆាំងនឹងការរលាក ដើរតួជាសារធាតុប្រឆាំងអុកស៊ីតកម្មដ៏ល្អ ជួយផ្តល់ជាតិទឹក និងចិញ្ចឹមស្បែកឲ្យប្រែទៅជារលោង បំបាត់ភាពចាស់ ក៏ដូចជាស្នាមជ្រួញដែលលេចឡើងលើស្បែក។
មិនត្រឹមតែប៉ុណ្ណោះ វាក៏ជាភេសជ្ជៈជួយសម្រកទម្ងន់យ៉ាងមានប្រសិទ្ធភាព ជួយឲ្យមានតុល្យភាពនៃប្រព័ន្ធរំលាយអាហារ ជួយទប់ស្កាត់ចំណង់អាហារ។ វិធីធ្វើ៖ យកទឹកក្តៅមួយពែង រួចទម្លាក់ខ្ញីពីរបីចំណិតចូល ហើយបន្ថែមទឹកក្រូចឆ្មារបន្តិច ប្រសិនចង់បានរសជាតិរាងជូរ។ [បញ្ជាក់៖ យើងមិនណែនាំឲ្យដាក់ខ្ញីដាំក្នុងទឹកក្តៅផ្ទាល់ទេ ព្រោះអាចនាំឲ្យបាត់បង់សារធាតុសំខាន់មួយចំនួនក្នុងសាច់ខ្ញី]
១) ផឹកទឹកឃ្មុំរមៀត
រមៀតប្រៀបដូចជា ឱសថ ដោយអ្នកអាចដាក់វាបន្តិចទៅក្នុងកែវ ដែលមានទឹកឃ្មុំ និងទឹកក្ដៅឧណ្ណៗ។ វាល្អណាស់ វាជួយឲ្យស្បែកស្រស់ថ្លា ពន្យារភាពចាស់នៃស្បែក និងចិញ្ចឹមស្បែកឲ្យមានសុខភាពល្អ ឡើងពណ៌ផ្កាឈូក ភ្លឺរលោង។
វាក៏ជួយកាត់បន្ថយបញ្ហារលាក ជួយបំបាត់បញ្ហាហើមពោះ ជួយកំណត់បរិមាណកូឡេស្តេរ៉ុលក្នុងរាងកាយបានល្អ ហើយក៏ចូលរួមកាត់បន្ថយចំណង់អាហារ ជួយឲ្យអ្នកឆាប់ស្រកទម្ងន់យ៉ាងមានប្រសិទ្ធភាពផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
