អាហារ ៤ មនុស្សទូទៅចូលចិត្តណាស់ តែជនជាតិជប៉ុនអត់លូកដាច់ខាត ព្រោះនាំឲ្យអាយុខ្លី
ជនជាតិជប៉ុន ជាប្រជាជនដែលមានអាយុវែងជាងគេបំផុតមួយក្នុងលោក ហើយអាចថាមកពីកត្តាជាច្រើន ដោយក្នុងនោះក៏មានពាក់ព័ន្ធនឹងទំនោរនៃរបបអាហាររបស់ពួកគេផងដែរ។ អាហារទាំង ៤ ខាងក្រោម គ្នាយើងជាច្រើនចូលចិត្តទទួលទានណាស់ តែជនជាតិជប៉ុនពួកគេអត់លូកដាច់ខាត៖
៤) អាហារសល់ពីយប់
ដោយសារសន្សំសំចៃ បងប្អូនយើងមួយចំនួន ទម្លាប់យកអាហារសល់ពីយប់ ទៅរក្សាទុកក្នុងទូទឹកកក ហើយលើកមកទទួលទាននៅពេលបន្ទាប់។ មានប្រភេទអាហារជាច្រើន ដែលគេហាមមិនឲ្យរក្សាទុកលើសពីមួយយប់។
តួយ៉ាងគឺស៊ុត អាហារសមុទ្រ បន្លែបៃតង ក្រោយរក្សាទុកមួយយប់ នោះវានឹងបង្កទៅជាបាក់តេរីជាច្រើន ដែលនឹងនាំគ្រោះថ្នាក់ដល់ក្រពះ ហើយក៏មិនបានពាំនាំនូវសារធាតុល្អមកកាន់រាងកាយនោះដែរ។ ដូច្នេះទម្លាប់ជនជាតិជប៉ុន ស៊ូចម្អិនអាហារតិចឲ្យខ្វះ ក៏មិនធ្វើឲ្យលើស រួចទុកក្លាសេទទួលទានពេលក្រោយដែរ។
៣) អាហារលក់នៅខាងក្រៅ
មិនមែនថាជនជាតិជប៉ុនមិនលូកអាហារនៅខាងក្រៅផ្ទះទាល់តែសោះទេ ប៉ុន្តែពួកគេមានការប្រុងប្រយ័ត្នខ្ពស់ណាស់ ដោយអាហារផ្អែមពេក ប្រៃពេក ខ្លាំងពេក គឺពួកគេយកចិត្តទុកដាក់ខ្លាំង។
អាហារនៅខាងក្រៅ មិនបានឆ្លងកាត់ការចម្អិនស្អាត ឬប្រើប្រាស់ប្រេងខ្លាញ់ថ្មីរហូតទេ ដែលនេះនាំឲ្យប្រឈមហានិភ័យនៃជំងឺសរសៃឈាមបេះដូង និងសរសៃឈាមខួរក្បាល។ ពេលសម្ពាធឈាមកើនឡើង ក៏នាំឲ្យមនុស្សអាចងាយនឹងកើតជំងឺបេះដូងទាំងក្មេងវ័យ។
២) ប្រភេទអាហារចៀន និងដុត
មនុស្សជាច្រើនចូលចិត្តទទួលទានអាហារចៀន និងដុត ជាងអាហារចំហុយ ឬស្ងោរ។ ទម្លាប់បែបនេះ វាប្រឈមនឹងការកើតជំងឺមហារីកខ្ពស់ខ្លាំងណាស់ ក៏ដោយសារអាហារទាំងនោះ រងនូវភ្លើង ផ្សែង ចេញពីធ្យូងដោយងាយ ដែលបង្កើតឲ្យមានអេមីត្រូស៊ីកលីក និងអ៊ីដ្រូកាបូន។
១) អាហារត្រាំ
ជនជាតិជប៉ុន អត់មានទម្លាប់ទទួលទានជ្រក់ស្ពៃ ជ្រក់ត្រសក់អីនោះទេ ក៏ដោយសារតែអាហារទាំងអស់នេះ វាឆ្លងកាត់ការផ្អាប់រយៈពេលយូរ នាំឲ្យមានកម្រិតជាតិប្រៃ ជាតិអំបិលឡើងខ្ពស់។ ជួនខ្លះទៅ អាហារដែលគេធ្វើក៏គ្មានអនាម័យ ងាយនឹងឆ្លងមេរោគ ហើយពេលត្រាំយូរ ជាតិនីត្រាតឡើងខ្ពស់មួយតង់ថែមទៀត។ ដូច្នេះហើយអត្រានៃការកើតជំងឺមហារីកបំពង់អាហារ ក្រពះជាដើមក៏ងាយនឹងកើតមានផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
