គ្រាប់ទាំង ៥ លូកយកមកទទួលទានកាន់តែច្រើន អ្នកនឹងកាន់តែរស់បានយូរ
អាហារទាំង ៥ ខាងក្រោម សម្បូរទៅដោយជាតិស័ង្កសី កាល់ស្យូម និងសារធាតុរ៉ែមួយចំនួន ដែលល្អណាស់សម្រាប់សុខភាពមនុស្ស។ ទទួលទានកាន់តែច្រើន រស់កាន់តែបានយូរ៖
៥) គ្រាប់ល្ង
គ្រាប់ល្ងសម្បូរទៅដោយជាតិស័ង្កសី ជួយពង្រឹងភាពសុាំរបស់រាងកាយ ហើយវាក៏ជាប្រភពនៃសារធាតុ Phytosterols ដែលជាសមាសធាតុជួយបញ្ចុះកូឡេស្តេរ៉ុលអាក្រក់ផងដែរ។ វាក៏ជួយឲ្យអ័រម៉ូនមានតុល្យភាព និងលើកកម្ពស់សុខភាពទូទៅ។
៤) គ្រាប់ល្ពៅ
គ្រាប់ល្ពៅ ងាយស្រួលរកទិញ ហើយវាមានសារធាតុចិញ្ចឹមខ្ពស់ណាស់។ វាក៏សម្បូរទៅដោយសារធាតុប្រឆាំងអុកស៊ីតកម្ម ជួយលើកកម្ពស់ប្រព័ន្ធភាពសុាំ បញ្ចៀសជំងឺអាក្រក់ជាច្រើន មិនឲ្យមកបៀតបៀនរាងកាយ។
៣) សណ្តែកខៀវ
បន្ថែមពីការជួយឲ្យរាងកាយទទួលបានជាតិស័ង្កសីគ្រប់គ្រាន់ ជាងនេះវាក៏ជួយព្យាបាលការរលាក គ្រប់គ្រងជាតិស្ករក្នុងឈាម ដែលអាចបញ្ចៀសជំងឺទឹកនោមផ្អែមយ៉ាងមានប្រសិទ្ធភាព។
២) សណ្តែកដី
នៅក្នុងសមាសភាពអាហារូបត្ថម្ភនៃសណ្តែកដី វាសម្បូរទៅដោយសារធាតុរ៉ែ ស័ង្កសី និងជាប្រភពដ៏ល្អសម្រាប់សារធាតុចិញ្ចឹមសុខភាពបេះដូង។ វាក៏ផ្សារភ្ជាប់ទៅនឹងការថយចុះ នៃហានិភ័យវិវត្តទៅរកជំងឺគ្រួសក្នុងតម្រងនោម ថង់ទឹកប្រមាត់ជាដើម។
១) អាល់ម៉ុន
ជាគ្រាប់ដ៏ពេញនិយម ដែលសម្បូរទៅដោយស័ង្កសី ហើយមានសារធាតុប្រឆាំងអុកស៊ីតកម្មជាច្រើន ជួយកាត់បន្ថយភាពតានតឹង និងបន្ថយដំណើរការនៃភាពចាស់។ ក្រៅពីនេះវាក៏សម្បូរទៅដោយវីតាមីន E ដែលជាសារធាតុចិញ្ចឹមការពារភ្នាសកោសិកាពីការខូចខាត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
