វិធីនេះប្លែក តែមានប្រសិទ្ធភាពណាស់! ត្រាំសំបកក្រូចថ្លុងក្នុងទឹកឃ្មុំ ជួយបានច្រើនដល់ម្លឹង
ពេលទទួលទានក្រូចថ្លុង អ្នកប្រាកដជាបកយកសាច់ ហើយចោលសំបក។ តាមពិតទៅ សំបកវាមានប្រយោជន៍ណាស់ ដោយតាមក្បួនឱសថបុរាណ អ្នកអាចច្នៃមកត្រាំក្នុងទឹកឃ្មុំ ហើយរក្សាទុក សឹមដួសទឹកឃ្មុំនោះមកទទួលទាន គឺអាចបន្ថែមប្រយោជន៍ ជួយបានជាច្រើនផ្នែកដូចបង្ហាញខាងក្រោម៖
៥) ជួយឲ្យស្បែកក្មេងជាងវ័យ
ទឹកឃ្មុំ លាយនឹងក្រូចថ្លុង នឹងនាំឲ្យមានក្លិនក្រអូបប្រហើរ ហើយបើទទួលទានវាជាប្រចាំ នោះនឹងជួយឲ្យស្បែកស ក្មេងជាងវ័យ។ ហេតុផលចម្បង ក៏ ដោយសារទឹកឃ្មុំមានផ្ទុក L-cysteine មានតួនាទីបន្សាបជាតិពុល ជួនខ្លះវាអាចព្យាបាលបញ្ហាមុនល្មមៗបានទៀតផង។
៤) សម្រកទម្ងន់
បើចង់ស្រកទម្ងន់ អ្នកអាចកាត់សំបកក្រូចថ្លុងជាបន្ទះស្តើង ប្រហែល ២ ទៅ ៣ សង់ទីម៉ែត្រ បន្ទាប់មកត្រាំក្នុងទឹកអំបិល រួចលាងទឹកដាក់ក្នុងឆ្នាំងដាំពុះប្រហែល ១០ នាទី ដើម្បីឲ្យសំបកឡើងទន់ ហើយគ្មានជាតិជូរចត់ទៀតទេ។
បន្ទាប់មកយកសំបកក្រូចថ្លុងមកដាក់ក្នុងឆ្នាំងមួយទៀត បន្ថែមស្ករស និងទឹក ១ ចាន រួចដាំឲ្យពុះប្រហែល ១ ម៉ោង ដល់ទឹកប្រែជាក្រាស់លឿង បន្ទាប់មកបិទភ្លើង ទុកវាដល់ត្រជាក់ រួចដាក់ទឹកឃ្មុំចូរកូរឲ្យសព្វ រក្សាទុកក្នុងកែវមួយ។ សាកល្បងប្រើវាបន្តិចម្តងៗ ដោយមានបន្ថែមទឹកក្ដៅឧណ្ហ៍ៗបន្តិច នេះអ្នកអាចទទួលទានទាំងសំបកក្រូចថ្លុង ដែលវាអាចសម្រកទម្ងន់យ៉ាងឆាប់រហ័ស។
ក៏ដោយសារតែសំបកក្រូចថ្លុង វាអាចជួយជំរុញដល់ប្រព័ន្ធរំលាយអាហារ បំបែកខ្លាញ់លើស និងកម្ចាត់កាកសំណល់ចេញពីរាងកាយបានយ៉ាងល្អ។
៣) ជួយឲ្យរាងកាយមានសុខភាពល្អពីខាងក្នុង
សារធាតុ L-cysteine ក្នុងទឹកឃ្មុំ មានប្រសិទ្ធភាពបន្សាបជាតិពុល ដែលវាអាចកម្ចាត់បញ្ហាទល់លាមក ក៏ដូចជាជួយឲ្យរោគសញ្ញានៃជំងឺមួយចំនួន បានប្រសើរឡើង។ មនុស្សជាច្រើនជឿថា ការទទួលទានបែបនេះ រយៈពេល ៣ ខែ នឹងជួយឲ្យរាងកាយពួកគេ មើលទៅស្រស់ស្រាយ និងបាត់អស់នូវជំងឺមួយចំនួន។
២) បន្ថែមវីតាមីន និងសារធាតុរ៉ែ
ទឹកឃ្មុំក្រូចថ្លុងមានផ្ទុកនូវវីតាមីន A, B, C, P ក៏ដូចជាសារធាតុរ៉ែ ដូចជាជាតិដែក កាល់ស្យូម ទង់ដែង ប៉ូតាស្យូម ដែលសុទ្ធតែជាសារធាតុចាំបាច់សម្រាប់រាងកាយ។ វីតាមីន C ទៀតសោតក៏មានសារៈសំខាន់ក្នុងការពង្រឹងប្រព័ន្ធភាពសុាំ។
១) ពង្រឹងលំពែង និងផ្តល់សំណើមដល់សួត
វាអាចគ្រប់គ្រងឧស្ម័ន និងសម្អាតជាតិពុល ចិញ្ចឹមសួត សម្អាតពោះវៀន ចិញ្ចឹមឈាម ពង្រឹងលំពែង លាងក្រពះ ហើយក៏អាចកាត់បន្ថយជាតិប្រេងលើផ្ទៃមុខ និងជាអាហារដ៏ល្អ សម្រាប់ផ្តល់សំណើមដល់សួត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
