ចង់បានលាភចូលអណ្ដែតដូចទឹក ជៀសអស់អបទ្រព្យចង្រៃ រឿង ៥ អ្នកត្រូវតែធ្វើនៅថ្ងៃចូលឆ្នាំចិន
ពិធីបុណ្យចូលឆ្នាំប្រពៃណីចិន នឹងឈានចូលមកដល់នៅពេលដ៏ខ្លីខាងមុខ។ យ៉ាងណាតាមក្បួនហុងស៊ុយ យើងសូមណែនាំនូវការអនុវត្ត ៥ ដែលអ្នកគួរតែធ្វើ បើចង់ទទួលបានលាភសំណាងមួយឆ្នាំពេញ៖
៥) ត្រូវតែញញឹម
ស្នាមញញឹម ជួយបញ្ជូនថាមពលវិជ្ជមាន បង្កើតភាពរួសរាយរាក់ទាក់ និងធ្វើឲ្យអ្នកមានអារម្មណ៍ស្រស់ស្រាយសុខស្រួលនៅថ្ងៃចូលឆ្នាំចិន។ បន្ថែមពីនេះ តាមក្បួនហុងស៊ុយ ស្នាមញញឹមគឺរមែងនាំមកនូវសេចក្តីរីករាយ ជារួមមនុស្សដែលមានស្នាមញញឹមថ្ងៃនោះ គឺរមែងទាក់ទាញសំណាងចូលដូចទឹក។
៤) ស្លៀកសំលៀកបំពាក់ថ្មី
ការស្លៀកពាក់សំលៀកបំពាក់ថ្មី កំឡុងថ្ងៃបុណ្យចូលឆ្នាំចិន ក៏ជាគន្លឹះហុងស៊ុយមួយ ដើម្បីជួយលើកស្ទួយថាមពលវិជ្ជមានផងដែរ។ អ្នកអាចជ្រើសរើសពណ៌លឿង ផ្កាឈូករាងងងឹត ដែលពណ៌ទាំងទាំងពីរនេះ ជាពណ៌ហុងស៊ុយសម្រាប់ឆ្នាំ ២០២២។
៣) អាកប្បកិរិយាដែលត្រូវបង្ហាញចេញមក
របៀបដែលអ្នកនិយាយ ការដើរ ការប្រាស្រ័យទាក់ទងនៅថ្ងៃពិធីបុណ្យចូលឆ្នាំចិន គេហាមមិនឲ្យនិយាយរឿងសោកសៅ មិនគួររិះគន់ និយាយអាក្រក់ពីនរណាឡើយ។ ជារួមគេឲ្យនិយាយតែរឿងសប្បាយ និងជូនពរគ្នាទៅមកឲ្យបានច្រើន។ ការធ្វើបែបនេះ គេជឿថា នឹងអាចនាំសំណាងពេញមួយឆ្នាំ។
២) កុំរវល់ខ្លាំងពេកក្នុងផ្ទះបាយ
បើទោះបីជាត្រូវចម្អិនម្ហូបអាហារ តែយ៉ាងណា សម្រាប់ស្រ្តីជាពិសេស មិនណែនាំឲ្យដកខ្លួនមិនរួចចេញពីផ្ទះបាយនោះទេ។ ជារួមគួរតែដកឃ្លា មករីករាយជាមួយក្រុមគ្រួសារ មិនថាអ្នកមានគូហើយ ឬអ្នកនៅលាវ។ ការចាប់យកពេលវេលាជួបជុំគ្នានេះ គឺគេជឿតៗគ្នាថា អាចឲ្យជីវិតគ្រួសារកាន់តែមានក្តីសុខមួយឆ្នាំពេញ។
១) កុំទាស់គ្នារវាងប្តីប្រពន្ធ
ក្នុងថ្ងៃបុណ្យចូលឆ្នាំ ប្តីប្រពន្ធមិនត្រូវឈ្លោះគ្នាទេ ទោះមានរឿងអ្វី ក៏ត្រូវខាំមាត់សង្កត់ចិត្ត ព្រោះដើមឆ្នាំថ្មី ស្វាគមន៍ឆ្នាំថ្មី គឺត្រូវតែរីករាយ។ ការដែលរីករាយនៅថ្ងៃនោះ គឺមានន័យថា នឹងរីករាយ ពោរពេញដោយសុភមង្គលមួយឆ្នាំពេញដូចគ្នាផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
