អាហារ ៥ មុខ ថ្វីត្បិតមានតម្លៃថោក តែមានគុណសម្បត្តិខ្ពស់ណាស់សម្រាប់សួត!
សួតជាសរីរាង្គសំខាន់មួយក្នុងរាងកាយ ដែលងាយរងគ្រោះខ្លាំងជាងគេ ដោយសារធូលី និងការបំពុលផ្សេងៗ។ ហេតុដុចនេះ ដើម្បីការពារសុខភាពសួត អ្នកគួរតែបន្ថែមអាហារទាំងនេះទៅក្នុងម៉ឺនុយប្រចាំថ្ងៃរបស់អ្នកឲ្យបានត្រឹមត្រូវ។
ខ្ទឹមស
ខ្ទឹមសមានផ្ទុកសារធាតុ allicin ខ្ពស់ ដែលមានលក្ខណៈសម្បត្តិប្រឆាំងនឹងការរលាក លើសពីនេះ ខ្ទឹមសក៏ត្រូវបានមនុស្សជាច្រើនជឿថា មានសមត្ថភាពធ្វើឱ្យជំងឺហឺតប្រសើរឡើង និងជួយកាត់បន្ថយហានិភ័យនៃជំងឺមហារីកសួត។
ខ្ញី
លក្ខណៈសម្បត្តិប្រឆាំងនឹងការរលាក ជួយសម្អាតសួត ដូច្នេះ អ្នកអាចបន្ថែមខ្ញីទៅក្នងទឹកដាំ ពីរបីចំណិត ព្រោះវាមានសមត្ថភាពខ្ពស់ជួយច្រោះជាតិពុលជាច្រើនចេញពីផ្លូវដង្ហើម។
ឈាមជ្រូក
ជាអាហារមួយប្រភេទសម្បូរទៅដោយជាតិដែក និងប្រូតេអ៊ីន ដែលអាចជួយបន្សុទ្ធ និងកម្ចាត់ជាតិពុល កាកសំណល់ជាច្រើនដែលត្រូវបានប្រមូលផ្តុំនៅក្នុងសរីរាង្គខាងក្នុងដូចជា ពោះវៀន សួត ជាដើម។ មិនត្រឹមតែល្អសម្រាប់សួតប៉ុណ្ណោះទេ ថែមទាំងមានប្រយោជន៍សម្រាប់សាច់ដុំជាច្រើនផ្សេងទៀតផងដែរ។ ទោះជាយ៉ាងណា ពេលញ៉ាំឈាមជ្រូក អ្នកត្រូវចម្អិនឲ្យបានល្អ សូមកុំញ៉ាំឆៅឲ្យសោះ ព្រោះឈាមជ្រូកស្រស់អាចមានបាក់តេរីជាច្រើន។
ផ្លែប៉ោម
ផ្លែឈើនេះមានវីតាមីនជាច្រើន ក៏ដូចជាសារជាតិ flavonoids ដែលជួយរក្សាប្រព័ន្ធដកដង្ហើមឱ្យមានសុខភាពល្អ ជួយការពារការវិវត្តនៃជំងឺដែលទាក់ទងនឹងសួតដែរ។
បន្លែខាត់ណាផា្ក
សមាសភាពនៃផ្កាខាត់ណាមានផ្ទុកនូវវីតាមីន C, folate, carotenoids, phytochemicals ជាដើម។ ផ្កាខាត់ណាក៏មានសមាសធាតុសកម្មមួយហៅថា L-sulforaphane ដែលជួយកោសិកាសួតប្តូរទៅជាហ្សែនប្រឆាំងនឹងការរលាកបន្តិច ដើម្បីការពារជំងឺផ្លូវដង្ហើមដែលអាចកើតមាន។ លើសពីនេះ ផ្កាខាត់ណាក៏មានផ្ទុកសារធាតុប្រឆាំងអុកស៊ីតកម្មជាច្រើន ដែលជួយរាងកាយកម្ចាត់ជាតិពុល ការពារជំងឺមហារីក និងបង្កើនអាយុវែង។
ប្រភព៖ បរទេស
ព័ត៌មានថ្មីៗ
