ឆ្នាំទាំង ៨ នេះនឹងមានលាភធំនៅក្នុងឆ្នាំ ២០២២ បើធ្វើតាមវីធីលើករាសីទាំងនេះនឹងឆាប់ដល់គោលដៅកាន់តែលឿន
ឆ្នាំ ២០២១ កំពុងជិតដាច់ទៅ ហើយឆ្នាំ ២០២២ ក៏នឹងខិតជិតដល់ឆាប់ៗនេះដែរ ។ នៅឆ្នាំថ្មី ២០២២ នឹងឈានចូលឆ្នាំខាល ជារៀងរាល់ឆ្នាំនឹងមានការអាប់ដេតនៃឆ្នាំដែលយីអ៊ុនកំពុងឡើង និងធ្លាក់ប្រចាំឆ្នាំ ។
ថ្ងៃនេះគេហទំព័រ Knongsrok យើងខ្ញុំនឹងអត្ថបទហោរាសាស្ត្រឆ្នាំថ្មី ទាក់ទិននឹងឆ្នាំសត្វណាខ្លះដែលយីអ៊ុនកំពុងឡើង ព្រមទាំងវិធីលើករាសីឲ្យបានឆាប់ដល់គោលដៅលឿនបំផុត មកចែកជូនបងប្អូនតាមដានទាំងអស់គ្នា ។
លំដាប់ទី ១ ឆ្នាំរោង ឬ ឆ្នាំសត្វនាគ
ក្នុងឆ្នាំ ២០២២ នេះ អ្នកដែលកើតក្នុងឆ្នាំរោង ត្រៀមរង់ចាំទទួលដំណឹងល្អ អ្នកនឹងមានឱកាសល្អក្នុងការចូលមក រហូតធ្វើឱ្យជីវិតអ្នកផ្លាស់ប្តូរពីបាតដៃទៅខ្នងដៃ រាល់កិច្ចការងារនិងការវិនិយោគគឺជាពេលវេលាដ៏ល្អ ស័ក្តិសមសម្រាប់ការចាប់ផ្តើមដ៏ល្អ ហើយភាពជោគជ័យគឺនៅខាងមុខ ។
វិធីលើករាសី៖ ធ្វើបុណ្យឲ្យបាន ៩ វត្ត / ក្រាបថ្វាយបង្គំឪពុកម្ដាយ ឬអ្នកមានគុណ/ ហូបបួសវានឹងជួយឱ្យសម្រេចបានលទ្ធផលលឿនជាងមុន ។
លំដាប់ទី ២ ឆ្នាំជូត ឬ ឆ្នាំសត្វកណ្តុរ
ឆ្នាំ ២០២២ គឺជាឆ្នាំនាំសំណាងដល់អ្នក មានឱកាសត្រូវរង្វាន់ធំ ឆ្នាំនេះអ្នកនឹងមានញាណលឿនជាងធម្មតា ច្រើនតែឲ្យហេតុដឹងមុន អ្នកកើតឆ្នាំជូតមានឱកាសទទួលបានលាភសំណាងធំ ។
វិធីលើករាសី៖ ចូលពិច័យសាងសង់ព្រះវិហារឬកុដិ/ ជួយជនក្រីក្រ/ បន្តការអធិស្ឋានវានឹងធ្វើឲ្យអ្នកសម្រេចបំណងបានកាន់តែលឿន។
លំដាប់ទី ៣ ឆ្នាំឆ្លូវ ឬ ឆ្នាំសត្វគោ
នៅឆ្នាំ ២០២២ នឹងលេចធ្លោរឿងស្នេហា និងការត្រូវបានគេឧបត្ថម្ភ ឆ្នាំថ្មីនេះនឹងមានមនុស្សជួយជ្រោមជ្រែង បញ្ហាដែលកើតឡើងកន្លងមកនឹងរលាយបាត់ដោយសារមានមនុស្សចូលមកជួយ សម្រាប់អ្នកនៅលីវនឹងជួបមនុស្សត្រូវចិត្ត សម្រាប់អ្នកដែលរៀបការហើយនឹងមានសុភមង្គលជាងមុន ។
វិធីលើករាសី៖ ប្រគេនទៀនព្រះវស្សា / ជួយចាស់ជរា / ធ្វើបុណ្យនៅមន្ទីរពេទ្យ នឹងជួយឱ្យអ្នកមានសុភមង្គល និងមានសេចក្ដីសុខផ្លូវចិត្ត ។
លំដាប់ទី ៤ ឆ្នាំថោះ ឬឆ្នាំសត្វទន្សាយ
នៅឆ្នាំ ២០២២ មនុស្សដែលកើតក្នុងឆ្នាំទន្សាយទាក់ទងនឹងសុខភាពគ្រប់យ៉ាងនឹងប្រសើរឡើង មុននេះអាចមានរោគសញ្ញានៃជំងឺ តែវានឹងធូរស្រាលរហូតដល់បាត់ទាំងស្រុង បន្ថែមពីលើនេះ រាសីអ្នកក៏នឹងល្អប្រសើរឡើងដែរ រាល់បញ្ហាដែលកើតមានឡើងនឹងត្រូវបានដោះស្រាយ ។
វិធីលើករាសី៖ ប្រគេនចង្ហាន់ព្រះសង្ឃ / ធ្វើបុណ្យ ឬ ចូលពិច័យសាងសង់ / ធ្វើបុណ្យនៅមន្ទីរពេទ្យ វានឹងជួយឲ្យសុខភាពអ្នកកាន់តែប្រសើរឡើង ។
លំដាប់ទី ៥ ឆ្នាំរកា ឬឆ្នាំសត្វមាន់
ឆ្នាំ ២០២២ មនុស្សកើតឆ្នាំរកា នឹងមានឱកាសដើរតាមក្តីសុបិន មានសេរីភាពធ្វើតាមអ្វីដែលអ្នកចង់ធ្វើជាយូរមកហើយ ភាពតានតឹងនិងសម្ពាធដែលកើតឡើងនឹងត្រូវបានកាត់បន្ថយ អ្នកនឹងមានទំនុកចិត្ត និងភាពក្លាហានកាន់តែច្រើនក្នុងការសម្រេចចិត្ត។
វិធីលើករាសី៖ បោសសម្អាតព្រះវិហារ / ជូតសម្អាតអាសនៈនៅក្នុងផ្ទះ / ជួយកុមារកំព្រា ឬកុមារក្រីក្រ នឹងជួយពង្រឹងអំណាចនៅក្នុងខ្លួន ។
លំដាប់ទី ៦ ឆ្នាំច ឬ ឆ្នាំសត្វសុនខ
នៅឆ្នាំ ២០២១ រាសីខ្ពស់ត្រដែតរឿងស្នេហា អ្នកនៅលីវមានឱកាសជួបដៃគូជីវិតហើយរីករាយ អ្នកមានគ្រួសារអាចមានកូនតាមភេទដែលចង់បាន ហើយគ្រួសារនឹងកាន់តែល្អឥតខ្ចោះ។
វិធីលើករាសី៖ សូត្រមន្តថ្វាយបង្គំព្រះ / ជួយសត្វអនាថា / ព្រលែងត្រីនឹងជួយអ្នកឱ្យទទួលបានអ្វីដែលអ្នកចង់បានលឿនជាងមុន។
លំដាប់ទី ៧ ឆ្នាំមមែ ឬឆ្នាំសត្វពពែ
នៅឆ្នាំ ២០២២ នឹងមានឱកាសផ្លាស់ប្តូរការងារតាមការរំពឹងទុក មានកែប្រែ ឬផ្លាស់ប្តូរក្នុងទិសដៅប្រសើរជាងមុន ថែមទាំងមានដំណឹងល្អអំពីការងារ លើសពីនេះទៅទៀតនឹងមានឱកាសជួបមិត្តល្អៗផងដែរ ។
វិធីលើករាសី៖ ចូលរួមសាងសង់រូបសំណាក់ព្រះ / អហោសិកម្មអ្នកដែលធ្លាប់ខឹងស្អប់ ។
លំដាប់ទី ៨ ឆ្នាំមមី ឬ ឆ្នាំសត្វសេះ
ឆ្នាំ ២០២២ អ្នកដែលកើតក្នុងឆ្នាំនេះនឹងមានលាភសំណាងល្អបង្គួរ និងមានឱកាសបំពេញបំណងប្រាថ្នារបស់ខ្លួនក្នុងអ្វីដែលខ្លួនបានសង្ឃឹម អ្នកឆ្នាំសេះនឹងទទួលបានទ្រព្យសម្បត្តិបន្ថែមដូចជា ផ្ទះ ឡាន គ្រឿងសង្ហារិមជាដើម ៕
ប្រភព៖ Knongsrok
ព័ត៌មានថ្មីៗ
