គួរតែចំណាយពេលធ្វើ! ឈរលើម្រាមជើងត្រឹមតែ ១៥ នាទីជារៀងរាល់ថ្ងៃ រាងកាយទទួលបានអត្ថប្រយោជន៍ដ៏អស្ចារ្យណាស់
គ្រប់គ្នាដឹងហើយថា ការហាត់ប្រាណគឺជាទម្លាប់ដ៏ល្អ ដែលនាំមកនូវអត្ថប្រយោជន៍ជាច្រើនចំពោះសុខភាព និងជួយការពារជំងឺរ៉ាំរ៉ៃមួយចំនួន។ នៅពេលធ្វើលំហាត់ប្រាណ រាងកាយនឹងបញ្ចេញញើស ជួយឱ្យអរម៉ូន endocrine នៅក្នុងខ្លួនកើនឡើង ដែលជះឥទ្ធិពលជាវិជ្ជមានដល់សរីរាង្គសរសៃប្រសាទ និងសរីរាង្គខាងក្នុង។
ទោះបីជាយ៉ាងណាក៏ដោយ ដោយសារតែហេតុផលសុខភាព ឬចំណង់ចំណូលចិត្ត មនុស្សជាច្រើនមិនចង់ជ្រើសរើសចលនាលំហាត់ប្រាណខ្លាំងពេកទេ ដូច្នេះការឈរនៅលើម្រាមជើង ក៏ជាលំហាត់ប្រាណដ៏ស័ក្តិសមបំផុតដែរ ព្រោះវាជាចលនាតូចមួយ មិនប្រើកម្លាំងខ្លាំងពេកទេ តែនាំមកនូវអត្ថប្រយោជន៍ច្រើនចំពោះសុខភាព។ ដូច្នេះអ្នកត្រូវព្យាយាមឈរលើម្រាមជើង ១៥ នាទីក្នុងមួយថ្ងៃ ធានាទទួលបានប្រសិទ្ធភាពជាក់ជាមិនខាន៖
កាត់បន្ថយការឈឺក្បាល វិលមុខ
នៅពេលដែលយើងកាន់តែចាស់ សរីរាង្គ និងជាលិកាក៏មានអាយុកាន់តែចាស់ផងដែរ។ នៅពេលឈានដល់អាយុជាក់លាក់មួយ រាងកាយនឹងជួបប្រទះនឹងបញ្ហាមួយចំនួនដូចជា ឈឺក្បាល វិលមុខ និងឈឺរាងកាយ។ មូលហេតុនៃរោគសញ្ញាទាំងនេះ ភាគច្រើនគឺមកពីការផ្គត់ផ្គង់ឈាម និងអុកស៊ីហ្សែនទៅខួរក្បាលមិនគ្រប់គ្រាន់។
ហេតុដូចនេះ ការឈរនៅលើម្រាមជើងនឹងជួយលើកកម្ពស់លំហូរឈាមពាសពេញរាងកាយ ជួយធ្វើឱ្យប្រសើរឡើងនូវសមត្ថភាពក្នុងការលុបបំបាត់ជាតិពុល ពន្យារដំណើរការនៃភាពចាស់នៃសរីរាង្គខាងក្នុង កាត់បន្ថយការវិលមុខ ឈឺក្បាល និងរោគសញ្ញានៃកង្វះឈាម។
ធ្វើអោយប្រសើរឡើងនូវគុណភាពនៃការគេង
ការគេងគឺជាមធ្យោបាយដ៏សំខាន់មួយដើម្បីស្តារកាយសម្បទា និងធ្វើឱ្យចិត្តស្រស់ថ្លាឡើងវិញ។ ជាធម្មតាមនុស្សម្នាក់ៗចំណាយពេលរហូតដល់ ១/៣ ពេលវេលានៃការគេង។ យ៉ាងណា ការគេងមិនលក់យូរ ឬគេងមិនលក់ ពិបាកគេងនឹងបង្កើនបន្ទុកដល់សុខភាព និងបង្កើនការកើតជំងឺនៃសរីរាង្គខាងក្នុង។ ការឈរលើម្រាមជើងនឹងសម្រាលសម្ពាធលើរាងកាយ បង្កើនចរាចរឈាម និងគេងលក់ស្រួលជាងមុន។
ធ្វើឲ្យជើងរាងស្ដើង
ប្រសិនបើអ្នកចង់ឱ្យជើងរបស់អ្នកមានរាងស្លីមតាមរបៀបសាមញ្ញ អ្នកអាចសាកល្បងឈរនៅលើម្រាមជើងបានព្រោះនៅពេលអ្នករុញទំនាញទៅមុខ កំភួនជើង និងភ្លៅរបស់អ្នកត្រូវលាតសន្ធឹង និងរុញឡើងលើ។ ការរក្សាលំហាត់ប្រាណនេះជារៀងរាល់ថ្ងៃនឹងធ្វើឱ្យជើងរបស់អ្នកស្ដើង និងតឹងណែនបន្តិចម្តងៗ។ ជាមួយគ្នានេះ វាក៏ជួយធ្វើឱ្យសន្លាក់ទន់ បង្កើនភាពបត់បែនសម្រាប់ឆ្អឹង និងដុតបំផ្លាញជាតិខ្លាញ់ដែលលើសនៅក្នុងខ្លួន។
ល្អសម្រាប់សុខភាពបេះដូង
ការឈរនៅលើម្រាមជើងអាចរក្សាចង្វាក់បេះដូងរបស់មនុស្សម្នាក់នៅប្រហែល ១៥០ ចង្វាក់ក្នុងមួយនាទី ដែលបណ្តាលឱ្យលំហូរឈាមកើនឡើងដើម្បីបញ្ជូនអុកស៊ីសែនបន្ថែមទៀតទៅកាន់សាច់ដុំបេះដូង ដោយហេតុនេះជះឥទ្ធិពលជាវិជ្ជមានដល់ប្រព័ន្ធសរសៃឈាមបេះដូង។
កាត់បន្ថយការហើមជើង
សម្រាប់អ្នកដែលឧស្សាហ៍ទៅធ្វើការក្នុងការិយាល័យ ការអង្គុយយូរនឹងនាំឱ្យឈាមរត់នៅគូទ និងជើងប៉ះពាល់ ឈាមរត់មិនល្អ។ ការឈរនៅលើម្រាមជើងអាចជំរុញលំហូរឈាមនៅផ្នែកខាងក្រោម បំបាត់ការហើមជើង និងការឈឺចាប់សន្លាក់ បើក meridians រាងកាយទាំងមូល និងជំរុញចំណុចចាក់ម្ជុលវិទ្យាសាស្ត្រដែលមានទីតាំងនៅបាតជើង។
ប្រភព៖ បរទេស
ព័ត៌មានថ្មីៗ
