ងាយស្រួលរកណាស់! អាហារ ៨ មុខនេះសម្បូរវីតាមីនញ៉ាំកាន់តែច្រើន ជួយកុមារឲ្យមានសុខភាពល្អ ការពារហានិភ័យជំងឺសាហាវ
វីតាមីន B មានសារៈសំខាន់ខ្លាំងណាស់សម្រាប់រាងកាយ ជាពិសេសវីតាមីន B6 ដោយសារវីតាមីននេះជួយអ្នកឱ្យប្រសើរឡើងនូវសុខភាពការពារហានិភ័យនៃជំងឺគ្រោះថ្នាក់ ដូចជា ជំងឺបេះដូង មហារីកជាដើម៖
ការ៉ុត
បរិមាណវីតាមីន B6 ក្នុងការ៉ុតមួយផ្លែ គឺស្មើនឹងទឹកដោះគោមួយកែវ។ លើសពីនេះទៀត ការ៉ុតក៏មានជាតិសរសៃ និងវីតាមីន A ផងដែរ។ វីតាមីន B6 នៅក្នុងការ៉ុតជួយបង្កើត myelin ដែលជាខ្លាញ់រុំជុំវិញសរសៃសរសៃប្រសាទ មានប្រសិទ្ធភាពក្នុងការបង្កើនល្បឿនទំនាក់ទំនងរវាងកោសិកាសរសៃប្រសាទ។ ដូច្នេះ ការបន្ថែមការ៉ុតទៅក្នុងអាហារជួយរក្សាលំនឹងសម្ពាធឈាម ជំនួយសរសៃប្រសាទ ជំងឺទឹកនោមផ្អែម និងជំងឺក្រិនច្រើនប្រភេទ។
ទឹកដោះគោ
នេះគឺជាអាហារដែលមានជាតិកាល់ស្យូម និងវីតាមីន B6 ។ ការទទួលទានទឹកដោះគោ ២-៣កែវក្នុងមួយថ្ងៃ នឹងជួយពង្រឹងខួរក្បាល កាត់បន្ថយហានិភ័យនៃជំងឺពុកឆ្អឹង។
ថ្លើមមាន់
នេះគឺជាប្រភពដ៏ល្អនៃវីតាមីន B6 ហើយថ្លើមមាន់ក៏មានផ្ទុកនូវសារធាតុ folate និងប្រូតេអ៊ីនផងដែរ។ វីតាមីន B6 នៅក្នុងថ្លើមមាន់ជួយឱ្យរាងកាយបំបែក និងប្រើប្រាស់ប្រូតេអ៊ីនប្រកបដោយប្រសិទ្ធភាព។ ក្រៅពីនេះ ការទទួលទានថ្លើមមាន់ក៏ជួយបំពេញថាមពល ពង្រឹងប្រព័ន្ធភាពស៊ាំ និងការពារហានិភ័យនៃភាពស្លេកស្លាំង។
ដំឡូងជ្វា
វីតាមីន B6 នៅក្នុងដំឡូងជ្វា ជួយឱ្យរាងកាយគ្រប់គ្រង glycogen ដែលផ្ទុកនៅក្នុងថ្លើម និងសាច់ដុំ។ ទទួលទានដំឡូងជ្វា ១-២ផ្លែក្នុងមួយសប្តាហ៍ នឹងជួយឱ្យថ្លើមរបស់អ្នកមានសុខភាពល្អ ប្រព័ន្ធរំលាយអាហារក៏នឹងប្រសើរឡើងផងដែរ។
សាច់គោ
នៅក្នុងសាច់គោ ១០០ ក្រាមមានប្រហែល ០.៦៨mg នៃវីតាមីន B6 ដែលស្មើនឹងប្រហែល ៣៧% នៃវីតាមីនដែលរាងកាយត្រូវការជារៀងរាល់ថ្ងៃ។ លើសពីនេះ សាច់គោក៏មានផ្ទុកនូវប្រូតេអ៊ីន និងសារធាតុចិញ្ចឹមផ្សេងទៀត ដែលជួយរក្សា និងអភិវឌ្ឍសាច់ដុំ ជួសជុលការខូចខាតយ៉ាងឆាប់រហ័ស និងកាត់បន្ថយហានិភ័យនៃជំងឺមហារីក។
ចេក
ចេកមានវីតាមីន និងសារធាតុរ៉ែជាច្រើនដែលរាងកាយត្រូវការ ហើយវីតាមីន B6 នៅក្នុងផ្លែចេកជួយក្នុងការផលិតសារធាតុ serotonin និង norepinephrine ដែលជួយទ្រទ្រង់មុខងារសរសៃប្រសាទ និងការបញ្ជូនសញ្ញានៅក្នុងខួរក្បាល។
ស៊ុត
ស៊ុតពីរនឹងផ្តល់ ១០% នៃវីតាមីន B6 ហើយស៊ុតក៏មានផ្ទុកនូវប្រូតេអ៊ីន និងសារធាតុចិញ្ចឹមជាច្រើនផ្សេងទៀត ដែលល្អសម្រាប់រាងកាយ។ ការទទួលទានស៊ុត ២-៣ គ្រាប់ក្នុងមួយសប្តាហ៍ នឹងជួយដល់ប្រព័ន្ធសរសៃឈាមបេះដូង ការអភិវឌ្ឍសរសៃប្រសាទ និងល្អសម្រាប់ឆ្អឹង និងភ្នែក។
ត្រីសាម៉ុង
ត្រីសាម៉ុងសម្បូរទៅដោយវីតាមីន B6 ដែលមានសារៈសំខាន់សម្រាប់សុខភាពក្រពេញ Adrenal ។ ក្រពេញ Adrenal របស់អ្នកមានតួនាទីផលិតអរម៉ូនសំខាន់ៗ រួមទាំង cortisol, adrenalin និង aldosterone ។ អរម៉ូនដែលផលិតនៅក្នុងក្រពេញ Adrenal ជួយគ្រប់គ្រងសម្ពាធឈាម និងគ្រប់គ្រងកម្រិតជាតិស្ករក្នុងឈាម។ លើសពីនេះ ត្រីសាម៉ុងក៏ជាប្រភពដ៏ល្អនៃប្រូតេអ៊ីនខ្លាញ់ទាបផងដែរ មានកំហាប់វីតាមីន B6 ខ្ពស់ជាងត្រីសាម៉ុងដែលចិញ្ចឹម។
ប្រភព៖ បរទេស
ព័ត៌មានថ្មីៗ
