តោះ! មកបើកបៀមើលជោគជតារាសីរបស់អ្នកកំពុងឡើង ឬចុះ? ចង់ដឹងថាអ្វីដែលអ្នកប៉ងនឹងបានសម្រេចដូចបំណងឬអត់
សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំវិធីទស្សន៍ទាយមួយទៀត មកឲ្យប្រិយមិត្តពិនិត្យមើលជោគជតាសី តាមរយៈការជ្រើសរើសសន្លឹកបៀមួយដែលអ្នកចូលចិត្តបំផុត ហើយអានចម្លើយខាងក្រោម ។
របៀបលេង
១. ) ធ្វើសមាធិអធិស្ឋានគិតអំពីរឿងល្អៗ ។
២. ) ជ្រើសរើសសន្លឹកបៀ ១ ហើយអានចម្លើយខាងក្រោម។
សូមឲ្យអ្នកជួបតែសំណាងល្អ
ទំនាយសន្លឹកបៀរទី ១ ៖អ្នករំពឹងលុយកាក់ជាចម្បង
អ្នកចង់មានលុយ ចង់ស្រណុក ចង់ដោះបំណុលអោយអស់ ហើយគិតថាបើមានលុយជីវិតនឹងកាន់តែប្រសើរឡើងសឹងគ្រប់រឿង ។
អ្នកមានគំនិតចង់កើបលុយដុំ ចង់បណ្តាក់ទុន រកវិធីស្វែងរកទ្រព្យសម្បត្តិ និងលុយកាក់ រឿងផ្សេងពីលុយកាក់អ្នកមិនខ្វល់ទេ សំខាន់ចង់បានលុយ បើមានលុយក៏រលាស់ខ្លួនភិល ដោយមិនបាច់ខ្វល់ខ្វាយពីបន្ទុកគ្រួសារ ឬអ្នកនៅពីក្រោយទេ អ្នកចង់គ្រប់គ្រងអ្វីៗដោយខ្លួនឯង ឲ្យតែមានលុយនឹងអាចទិញបានគ្រប់យ៉ាង។
ឥឡូវនេះអ្នកពិតជាចង់មានអនាគតនឹងន មានការរៀបចំផែនការអនាគតព្រោះខ្លាចលំបាកទៅថ្ងៃក្រោយ ។
បើនិយាយពីអតីតកាល អ្នកហាក់ដូចជាមិនសូវគិតគូរច្រើនទេ ព្រោះអ្នកជាមនុស្សរកលុយបានស្រួលហើយចាយធំ តែពេលនេះអ្នកចាប់ផ្តើមគិតចង់កំណត់គោលដៅក្នុងជីវិតហើយ អ្នកចាប់ផ្តើមព្រួយបារម្ភអំពីអនាគត ចង់ដឹកនាំឲ្យមនុស្សជុំវិញខ្លួនរស់នៅស្រួល ចង់ឲ្យខ្លួនឯងមានក្តីសុខផ្លូវចិត្ត ។
ចំពោះជោគជតារាសីរបស់អ្នកនៅពេលនេះគឺឡើង មានឱកាសសម្រេចបំណង តែទោះជាយ៉ាងណាត្រូវប្រយ័ត្ននឹងការចំណាយច្រើន ដោយសារមានលុយហូរចូលច្រើន ម្ល៉ោះហើយអ្នកអាចចាយភ្លេចខ្លួន ។
ទំនាយសន្លឹកបៀរទី 2 ៖ ចង់ចាប់ផ្តើមជីវិតថ្មី
ធុញនឹងជីវិតចាស់ដដែលៗ មានអារម្មណ៍ហត់នឿយដូចទូលភ្នំ ដូចទូកកណ្តាលទន្លេរកទីពឹងគ្មាន ខ្វះអ្នកយល់ចិត្ត ថែមទាំងជាមនុស្សគិតច្រើនពិបាកទម្លាក់ចុះ។ ក្នុងអំឡុងពេលនេះ សូមប្រយ័ត្នមានរឿងជាមួយអ្នកជុំវិញខ្លួន អាចមានអ្វីដែលត្រូវសោកស្តាយ ។
អ្នកចង់ផ្លាស់ប្តូរផ្លូវជីវិត ប៉ុន្តែនៅតែស្ទាក់ស្ទើរមិនដឹងទៅផ្លូវណា ក្នុងចិត្តចង់ដើរចេញ ចង់រកកន្លែងថ្មីសំរាប់ខ្លួនឯង ចង់វិនិយោគ ចង់ធ្វើអាជីវកម្ម ចង់មានផ្ទះ មានលុយ មានឡាន មានមនុស្សជុំវិញខ្លួនយល់ចិត្ត ។
ជោគជតារាសីរបស់អ្នកធ្វើបុណ្យជាមួយនរណាច្រើនតែបានបាបមកវិញ ជីវិតតែងតែជួបមនុស្សដែលអោនក្បាលគោរពបោកបញ្ឆោត ពូកែនិយាយដើម ជាន់ឈ្លីចំណុចខ្សោយ ។
មួយរយៈក្រោយនេះជោគវាសនាអ្នកហាក់បិទ ច្រើនតែជួបរឿងហត់នឿយដោយសារអ្នកដទៃ ម្ល៉ោះហើយអ្នកត្រូវឧស្សាហ៍ធ្វើបុណ្យកុសល ធ្វើចង្ហាន់បាយសម្ល ឬធ្វើទានបាយដល់គិលានុបដ្ឋាយិកា នោះជីវិតអ្នកនឹងល្អប្រសើរហើយអាចស្រោចស្រង់សំណាងរបស់អ្នកវិញ ។
ទំនាយសន្លឹកបៀរទី 3 ៖ រាសីល្អស្រាប់ហើយ តែកុំរើសច្រើនពេក
ពេលខ្លះអ្នកជាមនុស្សចូលចិត្តគិតមុនរហូតក្លាយជាការបំភ័យខ្លួនឯង ចូលចិត្តគិតជួសអ្នកដទៃ ធ្វើជាមនុស្សពិបាកយល់ចិត្ត ម្តងខ្មោចចេញម្តងខ្មោចចូល តែសូមចាំថាមិនថាអ្នកជាប់គាំងជួបបញ្ហាអ្វីក៏ដោយ ទីបំផុតនៅតែអាចដោះស្រាយបាន ហើយវានឹងប្រសើរឡើង។
សរុបសេចក្ដីមក ពេលនេះរាសីអ្នកកំពុងឡើង បើអ្នកមានគម្រោងធ្វើអ្វីមួយដូចជា ចង់វះកាត់កែសម្ផស្ស ចង់បើកហាង ឬចង់បណ្តាក់ទុន ប្រាកដជាទទួលបានលទ្ធផលល្អ។
ចំពោះសុខភាព សូមប្រយ័ត្នអាលែកហ្សីនិងបញ្ហាពោះវៀន ហើយត្រូវតមសម្តីព្រោះអាចមានប៉ះសម្តីជាមួយអ្នកជុំវិញខ្ល៏។
ជោគវាសនារបស់លោកអ្នកស័ក្តិសមនឹងធ្វើបុណ្យជាមួយកុមារ ជនពិការ មនុស្សចាស់ ជាជាងទៅវត្តប្រគេនព្រះសង្ឃ គួរទៅធ្វើបុណ្យជាមួយមូលនិធិ ឬមណ្ឌលជនក្រីក្រ នោះនឹងផ្តល់ផលល្អប្រសើរជាខ្លាំង ហើយត្រូវគិតភ្លាមធ្វើភ្លាមកុំចាំដល់ពេល ។
ទំនាយសន្លឹកបៀរទី 4៖ ទឹកបៀចង់រំលឹកឱ្យប្រុងប្រយ័ត្នក្នុងការសម្រេចចិត្ត
កុំព្រងើយកន្តើយនឹងជីវិត អ្វីដែលអ្នករំពឹងទុក វាមិនដូចអ្វីដែលអ្នកគិតទុកទេ រាសីហិរញ្ញវត្ថុមានការចំណាយច្រើន ប្រយ័ត្នខាតហើយអាចមានឱកាសចាញ់បោក ឬខាតបង់ដោយសារអ្នកដ៏ទៃ តែមុនមានរឿងអាក្រក់កើតឡើងអ្នកនឹងដឹងទុកមុន ប៉ុន្តែអ្នកអាចធ្វេសប្រហែស ឬមិនយកចិត្តទុកដាក់ ឬភ្លេចគោលដៅការងារនឹងមានកំហុស ជាពិសេសការងារទាក់ទងនឹងលេខភាគហ៊ុន ។
ទឹកបៀសុំរំលឹកអ្នកឱ្យស្តាប់អ្នកជុំវិញខ្លួនខ្លះ ព្យាយាមធ្វើអ្វីមួយឲ្យមានស្មារតីប្រុងប្រយ័ត្នក្នុងអំឡុងពេលនេះ ដោយសារតែអារម្មណ៍ប្រែប្រួលពិបាកយល់។ អ្នកជាមនុស្សពូកែធុញដូចជាចង់ធ្វើអ្វីមួយ ប៉ុន្តែនៅតែមិនបានសម្រេចដូចការរំពឹងទុក ម្ល៉ោះហើយសូមអត់ធ្មត់បន្តិចទៅ ។
ចំពោះបញ្ហាសុខភាពសូមប្រយ័ត្ន ក្អក ឈឺក ឈឺក្បាលពីម៉ោង ២រសៀល ដល់ម៉ោង ៨យប់ ទឹកបៀសូមណែនាំឲ្យអ្នកឧស្សាហ៍ដាក់បាតលោក ហើយព្យាយាមច្រូចទឹកឧទ្ទិសកុសលឱ្យបានញឹកញាប់ ។
ឬបើមានទីសក្ការ សូមឧស្សាហ៍លាងជម្រះសំអាត នោះលាភសំណាងនឹងកើតចំពោះអ្នក ៕
ប្រភព៖ doduang/Knongsrok
ព័ត៌មានថ្មីៗ
