អាយុខ្លីមិនដឹងខ្លួន! ហាមយកអាហារ ៥ នេះមកទទួលទាន បើរក្សាទុកមួយយប់ហើយ
បុរសជនជាតិចិន អាយុ ៤៥ ឆ្នាំ (មិនបង្ហើបឈ្មោះ) បានរងការរាករូសច្រើនថ្ងៃជាប់គ្នា សឹងតែព្យាបាលមិនចង់ទាន់ ហើយក្រោយសួរនាំ ក៏ដោយសារបានលូកទទួលទានអាហារដែលរក្សាទុកក្នុងទូទឹកកកហួសពីមួយយប់។
បើតាមការណែនាំពីអ្នកជំនាញ បាននិយាយថា ប្រភេទអាហារទាំង ៥ ខាងក្រោម គឺមិនអនុញ្ញាតឲ្យយកទៅរក្សាទុកក្នុងទូទឹកកក ដល់ផុតពីមួយយប់ រួចលើកមកទទួលទាននោះទេ ព្រោះវាងាយនឹងបង្កឲ្យមានបាក់តេរី មេរោគជាច្រើនចូលមកក្នុងរាងកាយ បណ្តាលឲ្យយើងទៅជាពុលអាហារ ហើយបើមើលមិនទាន់អាចប៉ះពាល់ដល់អាយុជីវិតធ្ងន់ធ្ងរ។
៥) បន្លែដែលចម្អិនហើយ
បន្លែបៃតងដែលចម្អិនហើយ មិនគួរទុកដល់ហួសមួយយប់ទេ ដោយវាមិនត្រឹមតែបាត់បង់ទាំងសារធាតុសំខាន់ ក៏ដូចជាវីតាមីននៅក្នុងនោះទេ ទៀតសោតក៏ជាតិនីត្រាតក៏ងាយនឹងរលាយ បង្កជាបាក់តេរីមិនល្អ ចូលមកក្នុងពោះទៀតផង។ យកល្អបន្លែដែលចម្អិន ឬឆ្លងកាត់ការស្ងោរ ទុកយូរបំផុតបានត្រឹមតែរយៈពេល ៤ ម៉ោងប៉ុណ្ណោះ។
៤) តៅហ៊ូ
តៅហ៊ូដែលចម្អិនរួច មិនគួររក្សាទុកដល់ហួសមួយយប់ទេ ព្រោះបរិយាកាសក្នុងទូទឹកកក វាងាយនឹងបម្លែងទៅសារធាតុពុល បាក់តេរីងាយរីកលូតលាស់ ហើយជាមួយតៅហ៊ូនេះសោត វាងាយប្រតិកម្មបង្កើតទៅជាបាក់តេរីម្យ៉ាងឲ្យឈ្មោះ Clostridium botulium ដែលវាអាចបណ្តាលឲ្យមនុស្សខ្វិនសរសៃប្រសាទ។
៣) សាច់មាន់
ក្នុងសាច់មាន់ មានសារធាតុប្រូតេអ៊ីនច្រើន ដែលល្អសម្រាប់រាងកាយ តែអ្នកមិនគួររក្សាទុកហួសមួយយប់ ហើយយកមកទទួលទានទេ ព្រោះវាងាយនឹងបណ្តាលឲ្យប៉ះពាល់ដល់ប្រព័ន្ធរំលាយអាហារ។
២) ស៊ុតស្ងោររួច
អ៊ីចឹងបានថា បរិមាណអាហារគួរតែចម្អិនមួយសមល្មមនឹងសមាជិកក្នុងគ្រួសារអាចទទួលទានគ្រប់គ្រាន់ ជាជាងទុកចោល ហើយស្តាយរក្សាទុកដល់ខូចសុខភាពខ្លួនឯងទៅវិញ។ ស៊ុតដែលចម្អិនហើយ វាងាយនឹងឆ្លងបាក់តេរី ខ្លាំងណាស់ បើទុកក្នុងទូទឹកកក ដែលវាពិតជាប៉ះពាល់ខ្លាំងដល់ប្រព័ន្ធរំលាយអាហារ។ ប៉ះអ្នកក្រពះខ្សោយផង អាចនឹងយ៉ាប់ធ្ងន់ធ្ងរ។
១) ផ្សិតចម្អិនរួច
ផ្សិតដែលចម្អិនរួច បើទុកចោលក្នុងទូទឹកកកមួយយប់ នោះសារធាតុចិញ្ចឹមរបស់វានឹងលែងមានតទៅទៀតហើយ ផ្ទុយទោវិញសារធាតុ Nitrites ក្នុងផ្សិតនឹងត្រូវបានបម្លែងទៅជាជាតិពុល ប៉ះពាល់ដល់រាងកាយ ពេលអ្នកទទួលទាន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
