៣ វិនាទីសម្លឹងមើលទម្រង់កមនុស្សស្រី អាចទាយដឹងទៅថ្ងៃមុខ អ្នកមានសំណាងឬអត់?
ផ្នែកមួយចំនួនលើរាងកាយស្រ្តី ខ្លះវាមិនត្រឹមតែជាសោភ័ណភាពនៃរូបសម្រស់នោះទេ ទៀតសោតក៏វាមានការផ្សារភ្ជាប់ទៅនឹងក្បួនច្បាប់ហុងស៊ុយ ដែលគេអាចមើលធ្លុះពីជោគវាសនាទៅពេលខាងមុខផងដែរ។
ចូរសម្លឹងមើលករបស់អ្នក ឬករបស់មនុស្សក្បែរខ្លួនអ្នក ហើយទៅផ្ទៀងផ្ទាត់ចម្លើយដូចបង្ហាញខាងក្រោម៖
ស្រ្តីដែលមានខ្សែក ៣ ជួរ
តាមក្បួនគេបង្ហាញមកថា ស្រ្តីមានខ្សែក ៣ ជួរ តែងតែមានជោគជតារាសីល្អក្នុងជីវិត ហើយក៏មានរូបសម្រស់ស្រស់ស្អាតពីធម្មជាតិ ខណៈជីវភាពក៏ធូរធារមិនលំបាកអ្វីនោះទេ និយាយពីរឿងលុយកាក់ គឺអត់ខ្វល់ច្រើនឡើយ។
នេះដូចជាពរជ័យដែលពួកនាងទទួលបាន សល់ពីជាតិមុន។ បើឈានដល់ជីវិតគូ ក៏រកបានស្វាមីល្អ ពូកែថ្នាក់ថ្នម បានកូនដើរតាមគន្លងធម៌ ចេះស្តាប់បង្គាប់។ យ៉ាងណាមិនមែនដោយសារលាភសំណាងរបស់នាងទាំងស្រុងទេ នេះក៏កើតឡើងពីការខិតខំប្រឹងប្រែង ដោយនាងមានទេពកោសល្យ និងខិតខំដោយខ្លួនឯងផងដែរ។
ស្រ្តីដែលមានខ្សែក ២ ជួរ
នៅក្នុងបុគ្គលិកលក្ខណៈរបស់មនុស្សស្រី មានខ្សែក ២ ជួរ ភាគច្រើន ជាមនុស្សស្រីរាងធាត់ កម្ពស់រាងទាប ហើយមនុស្សនេះ មិនសូវចេះខ្វល់ពីរឿងអ្នកដទៃទេ ដោយពេលខ្លះអាចថានាងអាត្មានិយម ស្រលាញ់និងគិតតែពីខ្លួនឯង ជាហេតុនាំឲ្យស្ថានភាពខ្លះ នាងពិបាកនឹងឆ្ពោះទៅរកវិថីជោគជ័យ។
ជារួមមិនសូវជាល្អប៉ុន្មានឡើយ ហើយក៏មានចរិតរាងឆេវឆាវបន្តិច ពិបាករកបានគូស្នេហ៍ស្មោះពិតក្នុងជីវិតស្នេហា។
ស្រ្តីដែលមានសរសៃពណ៌ខៀវរំលេចមកច្រើនត្រង់ផ្នែកក
ជាស្រ្តីដែលមានចរិតស្លូតបូត មុឺងម៉ាត់ ចេះរកលុយចិញ្ចឹមខ្លួនឯង ដោយមិនពឹងផ្អែកនរណា តែពិបាកត្រង់ថា ខ្សែជីវិតនាង ខំខ្លាំងហើយ តែជួបរឿងអកុសលក៏ច្រើន ទម្រាំបានជួបលាភសំណាងធំក្នុងជីវិត គឺត្រូវចំណាយពេលរង់ចាំរាងយូរបន្តិចដែរ។ យ៉ាងណានាងមិនខ្វះខាត មិនធ្លាក់ក្នុងសភាពក្រីក្រទេ ពោលគឺរស់នៅក្នុងកម្រិតមធ្យម មុនឈានទៅដល់ភាពមានបាន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
