រវល់តែ Man Utd/Chelsea តិចភ្លេចមើល Lewandowski ផ្កាប់ចាន ទាំងរបូតខ្សែស្បែកជើងយប់មិញ
តារាឆ្នើមក្លឹប Bayern Munich គឺកីឡាករ Bayern Munich កៀកនឹងដល់ថ្ងៃប្រកាសអ្នកឈ្នះពាន Ballon d'Or គឺកាន់តែបង្ហាញទម្រង់លេងល្អខ្លាំងឡើង ជាក់ស្តែងដូចយប់មិញ ហក់ផ្កាប់ចានបញ្ចូលទីយ៉ាងស្អាត នៅជ័យជម្នះ ២-១ ទៅលើ Dynamo Kyiv។
គ្រប់គ្នាប្រហែលចាប់អារម្មណ៍ខ្លាំងទៅលើជ័យជម្នះ Man Utd លើ Villarreal និង Chelsea លើ Juventus ហើយក៏ប្រហែលជាភ្លេចទស្សនាការប្រកួតរបស់ Bayern Munich តែវាជាប្រកួតមិនគួររំលងនោះទេ ព្រោះបានកើតមានសកម្មភាពគួរឲ្យចាប់អារម្មណ៍ នោះគឺគ្រាប់បាល់បើកឆាកធ្វើបានដោយកីឡាករប៉ូឡូញ។
នៅក្នុងប្រអប់ខាងក្រុមម្ចាស់ផ្ទះ ក្រោមសីតុណ្ហភាពដ៏ត្រជាក់ ដែលមានព្រិលកំពុងធ្លាក់ ពេលកីឡាករ Bayern កាត់បាល់ចូល ក៏ត្រូវបានខ្សែការពារកណ្តាល Ilya Zabarnyi ព្យាយាម Clear បាល់ចេញ តែការ Clear មិនបានល្អ នាំឲ្យបាល់លោតទៅលើ ហើយខ្សែប្រយុទ្ធ Lewandowski ក៏សម្រេចប្រើបច្ចេកទេសបង្វិលខ្លួនផ្កាប់ចានចូលទីយ៉ាងល្អ។ អ្វីដែលអស្ចារ្យទៅទៀតនោះ គេអាចស៊ុតបាល់ចំគោលដៅ ទាំងរបូតខ្សែស្បែកជើង។
ទស្សនាវីដេអូខាងក្រោម៖
គួរបញ្ជាក់ថា យប់មិញជាគ្រាប់បាល់ទី ២៩ ហើយរបស់កីឡាករវ័យ ៣៣ ឆ្នាំនៅការបង្ហាញខ្លួន ២៤ ប្រកួតសរុប រាប់គ្រប់ក្របខ័ណ្ឌទាំងអស់។ ប្រកួតបន្ទាប់របស់ Bayern Munich នឹងត្រូវតតាំងក្រុម Arminia នៅចុងសប្តាហ៍៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
