មិនងាយសរសើរនរណាទេ! Pep ថាមានកីឡាករម្នាក់នេះ ដូចកំពុងមានគ្រាប់ពេជ្រក្នុងដៃ
អ្នកចាត់ការលោក Pep Guardiola ជារឿយៗមិនងាយសរសើរនរណាចំៗនោះទេ ហើយបើសរសើរក៏និយាយជារួមដែរ តែទើបកន្លងទៅនេះ លោកបែរជាលាន់មាត់និយាយដល់ឈ្មោះ Joao Cancelo ជាខ្សែការពារនៃក្លឹប Man City ថាល្អដូចជាកំពុងមានគ្រាប់ពេជ្រក្នុងដៃ។
ខ្សែការពារស្លាបឆ្វេង ទើបតែបង្ហាញទម្រង់លេងយ៉ាងល្អឥតខ្ចោះ នៅការប្រកួតទល់ Everton កន្លងទៅ តាមរយៈការឆ្កឹះបាល់ Assist ចូលប្រអប់ឲ្យ Raheem Sterling បញ្ចប់ទីដ៏មិនគួរឲ្យជឿ។
សម្រាប់អ្នកចាត់ការសញ្ជាតិអេស្ប៉ាញ និយាយ៖ "Joao Cancelo គេអាចប្រើប្រាស់បានទាំងជើងសងខាងយ៉ាងល្អឥតខ្ចោះ ដ្បិតបើជំនាញរបស់គេ គឺជើងស្តាំ តែឥឡូវគេក៏អាចសម្របការលេងជើងឆ្វេងបានដូចគ្នា"។
លោកបន្ត៖ "ជាការពិតកីឡាករដែលមកពីតំបន់ផ្សេង មានវប្បធម៌ផ្សេង ពួកគេត្រូវការពេលដើម្បីសម្រប ពេលខ្លះអ្នកមានការអត់ធ្មត់ទៅ ពេលខ្លះក៏អត់ តែសម្រាប់ Joao គេមានគុណភាព និងស្រលាញ់បាល់ទាត់តាំងពីដើម ហេតុនេះហើយ ការដែលយើងមានប្រភេទកីឡាករដូចជាគេ ដូចជា Riyad Mahrez, Phil Foden ប្រភេទពួកគេ ដូចជាយើងកំពុងមានគ្រាប់ពេជ្រក្នុងដៃ តែសម្រាប់ Joao គឺគេពិតជាល្អខ្លាំង"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
