មិនមែន Zidane តែមនុស្សជំនិត Ronaldo ប្រាប់ឲ្យ Man Utd គួរយកម្នាក់នេះទៅដឹកនាំ
មិនមែន Zinedine Zidane, Brendan Rodgers, Mauricio Pochettino ឬ Erik ten Hag នោះទេ តែសម្រាប់ការយល់ឃើញរបស់ Jorge Mendes ជាភ្នាក់ងាររត់ការកាន់ឆ្នាំឲ្យ Cristiano Ronaldo គឺសម្លឹងឃើញផ្សេង ពីអ្នកដែលសក្តិសមទៅដឹកនាំក្លឹប Man Utd នាពេលបន្ទាប់។
បើតាមសារព័ត៌មាន The Athletic ចុះផ្សាយថា មនុស្សជំនិតរបស់ Ronaldo ខាងលើ កំពុងផ្តល់យោបល់ទៅកាន់ក្លឹបបិសាចក្រហម ឲ្យជ្រើសរើសយក លោក Julen Lopetegui ជាអ្នកចាត់ការនៅក្លឹប Sevilla ឲ្យទៅដឹកនាំបន្តពីអ្នកចាត់ការសញ្ជាតិន័រវេស ដែលទើបតែអស់តំណែងកាលពីចុងសប្តាហ៍។
Lopetegui លោកត្រូវផុតកុងត្រាជាមួយ Sevilla នៅចុងខែមិថុនា ឆ្នាំ ២០២៣ ឯណោះ ហើយកន្លងមក ក៏ប្រកាសថា នឹងមិនមានចេតនាចង់ចាកចេញទៅណាដែរ ក្រោយមានចចាមអារ៉ាមក្លឹប Newcastle United ចូលចរចា ចង់បានលោកមកដឹកនាំក្លឹបនៅអង់គ្លេស។ តែយ៉ាងណាសារនេះ ជាសំណើរបស់ Man Utd ដូច្នេះយើងនឹងរង់ចាំមើលបន្តទៀត។
សរុបស្ថិតិនៃការដឹកនាំក្លឹប ១២៥ ប្រកួត Lopetegui ទទួលជ័យជម្នះដល់ ៧៣ លើក រាប់ជាស្ថិតិល្អមួយ ហើយនិយាយពីពានរង្វាន់ បានលើកពាន UEFA Europa League កាលពីរដូវកាល ២០១៩/២០៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
