មនុស្សស្រី ៤ ប្រភេទ ទោះសម្រស់ស្អាតប៉ុណ្ណា ក៏ធ្វើឲ្យបុរសខ្លាចរអា មិនប្រាថ្នាយកជាប្រពន្ធ
មនុស្សស្រីទាំង ៤ ប្រភេទខាងក្រោម មិនថាតែសម្រស់របស់ពួកនាងស្អាតប៉ុណ្ណានោះទេ ក៏រមែងធ្វើឲ្យប្រុសខ្លាចរអា ទោះក្បែរក៏ក្បែររយៈពេលខ្លី មិនហ៊ានប្រាថ្នាដល់យកធ្វើជាប្រពន្ធឡើយ៖
៤) រស់នៅដើម្បីតែខ្លួនឯង
មនុស្សស្រីមួយចំនួនបច្ចុប្បន្ននេះ ប្រកាន់ខ្ជាប់គំនិតមួយថា នាងត្រូវតែស្រលាញ់ខ្លួនឯងជាធំ ដល់ពេលខ្លះគិតពីខ្លួនឯងពេក ភ្លេចគិតពីអារម្មណ៍អ្នកក្បែរខ្លួន។ យើងមិនជំទាស់ឲ្យមិនធ្វើបែបហ្នឹងទេ តែគួរមើលតាមស្ថានភាពខ្លះដែរ ពោលត្រូវមានការគិត និងគោរពដល់អ្នកដទៃខ្លះផង។
បែបនេះវាធ្វើឲ្យទំនាក់ទំនងស្នេហា ដោយសារនាងប្រកាន់គិតតែពីខ្លួនឯងពេក ភ្លេចគិតពីអារម្មណ៍ដៃគូ ខុសអីក៏នៅតែឲ្យគេមកលួង សុខៗខឹងខុសទំនង ញឹកញយដងពេក នោះនឹងគ្មានបុរសណាគេហ៊ានមកប្រាថ្នាចង់ក្បែរឡើយ។
៣) មនុស្សស្រីដែលចូលចិត្តត្រួតអ្នកដទៃ
ពួកគេតែងតែព្យាយាមគ្រប់គ្រងបុរសដែលជាដៃគូ ដ្បិតបើពេលខ្លះជាចេតនាល្អ តែមើលទៅដូចដាក់សម្ពាធលើគេ ដូចមានតែខ្លួនឯងដែលចេះរៀបចំជីវិតឲ្យគេ សឹងតែគេមិនអាចបញ្ចេញមតិយោបល់បាន។ មនុស្សប្រុសទោះស្រលាញ់ប៉ុណ្ណា ក៏គេត្រូវការចន្លោះ ត្រូវការពេលវេលា ត្រូវការការសម្រេចចិត្តជាខ្លួនឯងខ្លះដែរ។
២) មនុស្សស្រីចូលចិត្តសម្ភារៈនិយម
បើជាមនុស្សដែលស្រលាញ់មនុស្សប្រុស គ្រាន់តែទារចង់ឲ្យគេទិញនេះ ទិញនោះឥតឈប់ ហើយដោះដូរមកវិញ ត្រឹមជាសម្តីផ្អែម នោះក៏មិនមែនជានារីដែលបុរសសម្លឹងមើលយកជាគូអនាគតដែរ។ ព្រោះវាពុំបានកើតឡើងពីក្តីស្រលាញ់ពិតនោះទេ ស្នេហាដែលទៅតែម្ខាង ម្ខាងទៀតគិតតែពីប្រយោជន៍ នោះមិនមែនជាស្នេហាឡើយ។
១) ឆាប់ជឿលើរឿងមិនសមហេតុផល
ប្រសិនជានាងតែងតែមានអារម្មណ៍ថា ឆាប់ជឿ ឆាប់ស្តាប់សម្តីអ្នកដទៃ ឆាប់វិនិច្ឆ័យ ឆាប់ខឹងឆេវឆាវ នោះក៏មិនមែនជាមនុស្សស្រី ដែលបុរសគ្រប់រូបប្រាថ្នាដូចគ្នា។
បើបានជួបនារីប្រភេទទាំង ៤ ខាងលើ មនុស្សប្រុសម្នាក់នោះ ប្រហែលជួបរឿងទួញសោកច្រើនជាងការសប្បាយ។ ជារួមពួកគេមិនប្រាថ្នាចង់បាននារីប្រភេទហ្នឹងជាគូឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
