ផ្នែកមួយអ្នកដុសសម្អាតមុនគេនៅពេលងូតទឹក អាចបង្ហាញច្បាស់ថាអ្នកជាមនុស្សបែបណា?
រៀងរាល់ពេលងូតទឹក ចំណាំមើលខ្លួនឯងទៅមើល តើផ្នែកណាមួយ ដែលអ្នកទម្លាប់ដុសសម្អាតមុនគេបង្អស់? តាមរយៈទម្លាប់ជាប្រចាំរបស់អ្នក អាចឲ្យយើងបង្ហាញចម្លើយច្បាស់មួយ ថាអ្នកជាមនុស្សបែបណា៖
១) ដុសសម្អាតមុខ
ប្រសិនមុខ ជាផ្នែកដែលអ្នកដុសលាងសម្អាតមុនគេ នោះអ្នកជាមនុស្សយកចិត្តទុកដាក់ខ្ពស់ លើរបៀបដែលអ្នកមើលទៅអ្នកដទៃ និងរបៀបដែលអ្នកដទៃមើលមកលើអ្នក។ ជារួមអ្នកមិនមែនជាមនុស្សដែលយល់ថា ត្រឹមសាមញ្ញធម្មតាៗនោះទេ ពោលគឺអ្នកល្អិតល្អន់ខ្លាំង។
អ្នកតែងតែមានការគិត ព្រួយបារម្ភពីផលប៉ះពាល់មុនសម្រេចចិត្តធ្វើអ្វីមួយ ហើយជួនកាលទៀតគិតពីអារម្មណ៍គេពេក ដល់ថ្នាក់ភ្លេចគិតពីអារម្មណ៍ខ្លួនឯង នាំឲ្យខ្លួនឯងទទួលរងសម្ពាធ ភាពតានតឹងម្តងម្កាលក៏មានដែរ។
២) ដុសលាងដៃឬជើង
ប្រសិនផ្នែកដំបូងដែលអ្នកលាងសម្អាត គឺដៃឬជើង នោះអាចហៅថា អ្នកជាមនុស្សសុភាពរាបសា និងសាមញ្ញបំផុត ហើយវាបង្ហាញថា អ្នកជាមនុស្សចូលចិត្តនិយាយត្រង់ មិនចេះបញ្ឆិតបញ្ឆៀងឡើយ។
៣) លាងសម្អាតតំបន់ឯកជន
ប្រសិនអ្នកលាងសម្អាតតំបន់ឯកជននៅខាងក្រោមមុនគេបង្អស់ អាចបង្ហាញថាអ្នកជាមនុស្សដែលមិនមានការតស៊ូ អត់ធ្មត់ខ្ពស់ ហើយជួបរឿងអ្វី ឆាប់បាក់ទឹកចិត្ត ឆាប់អន់ចិត្ត ឆាប់បោះបង់។ យ៉ាងណាចំណុចល្អមួយ គឺមនុស្សដែលនៅក្បែរអ្នក គេតែងតែទទួលបានអារម្មណ៍កក់ក្តៅ និងរីករាយពេលនៅក្បែរអ្នក។
៤) ដុសសម្អាតផ្នែកដើមទ្រូង
ប្រសិនអ្នកតម្រង់ទៅដុសសម្អាតផ្នែកដើមទ្រូងមុនគេបង្អស់ នោះអ្នកជាមនុស្សដែលមានចិត្តរឹងរូស ហើយមានភាពច្របូកច្របល់ច្រើនក្នុងជីវិត។ អ្នកចូលចិត្តជីវិតឯករាជ្យ តែជីវិតឯករាជ្យនេះសោត ជួនកាលក៏ទាញភាពឯកាមកលងបន្លាចម្នាក់ម្តងម្កាលដែរ។
៥) កក់សក់មុនគេបង្អស់
ប្រសិនអ្នកទម្លាប់កក់សក់មុនគេបង្អស់ នោះអ្នកជាមនុស្សមានវិន័យ ច្បាប់ទម្លាប់ខ្លាំងណាស់ក្នុងជីវិតរស់នៅប្រចាំថ្ងៃ។ វាបង្ហាញពីភាពរឹងមាំ ជាមនុស្សមុឺងម៉ាត់ និងការជឿជាក់ខ្ពស់លើខ្លួនឯង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
