គ្មានអ្វីដែលងាយស្រួលទេ សម្រាប់ជីវិតនេះ …!
គ្មានអ្វីដែលងាយស្រួលទេ សម្រាប់ជីវិតនេះ ...!
ពេលខ្លះក៏សុខ ជួនកាលក៏ទុក្ខ!
ថ្ងៃខ្លះក៏ល្អ ថ្ងៃខ្លះក៏មិនល្អ!
រឿងខ្លះក៏សមបំណង ក៏មានរឿងខ្លះត្រូវខកចិត្ត!
តែត្រូវចាំថា មិនថាថ្ងៃនេះកើតទុក្ខប៉ុនណាទេ ងូតទឹកឱ្យស្អាត ញុំាបាយឱ្យឆ្អែត ចូលគេងពីក្បាលព្រលប់ ស្អែកក្រោកមកថ្ងៃថ្មី អ្វីៗនឹងល្អប្រសើរហើយ!
មិនថាថ្ងៃនេះ ជួបរឿងអាក្រក់ប៉ុនណាក៏ដោយ ក៏ត្រូវតែរឹងមាំ ហើយក្រោកដើរឆ្ពោះទៅមុខ ឆ្លងឱ្យផុតនូវដំណាក់កាលដ៏អាក្រក់ទាំងនោះឱ្យបាន ព្រោះមានរឿងល្អៗច្រើនណាស់ ដែលកំពុងតែរង់ចាំយើង!
មិនថាចួបរឿងដែលធ្វើឱ្យខកចិត្ត ខកបំណងយ៉ាងណាទេ ក៏ត្រូវតែបើកចិត្ត ហើយទទួលយក ព្រោះរឿងហេតុ វាបានកើតឡើងរួចហើយ ទោះប្រឹងគេចក៏មិនផុត ប្រឹងរត់ទៅណា ក៏រត់មិនរួចដែរ តែត្រូវចាំថា រឿងទាំងនោះ គឺជាមេរៀន ជាបទពិសោធន៍សម្រាប់ជីវិត!
ត្រូវដឹងថា ជីវិតមួយនេះ មានរឿងដែលត្រូវរៀនសូត្រមិនចេះចប់នោះឡើយ ត្រូវជួបរឿងប្លែកៗ និងចរិតមនុស្សខុសៗគ្នាពីមួយថ្ងៃទៅមួយថ្ងៃ!
បើយើងមិនជួបបញ្ហា ការលំបាក ឧបសគ្គ យើងក៏មិនដឹងថា យើងនេះខ្លាំងពូកែ រឹងមាំប៉ុនណានោះដែរ ហើយបើមិនមិនប្រឈមមុខទេ យើងក៏មិនដឹងថា យើងអាចឈរត្រង់ចំណុចណាបាននោះដែរ។
មនុស្សដែលខ្លាំងបំផុត មិនមែនព្រោះតែគេអាចគេចផុតពីបញ្ហាក្នុងជីវិតនោះឡើយ តែជាមនុស្សដែលអាចឆ្លង និងដោះស្រាយបញ្ហាគ្រប់បែបយ៉ាងបាននៅក្នុងជីវិត ដោយមិនរាថយ ហើយក៏មិនបោះបង់អ្វីចោលដោយងាយៗនោះឡើយ ...!!!៕
#មនុស្សចុងក្រោយ / ក្នុងស្រុកសូមរក្សាសិទ្ធិ
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖
Tel:
ព័ត៌មានថ្មីៗ
