ត្រូវចៀសឆ្ងាយ! ទម្លាប់គ្រោះថ្នាក់ ៥ យ៉ាង ដែលអ្នកធ្វើរាល់ថ្ងៃអាចបំផ្លាញសិរីរាង្គខាងក្នុង បង្កជាជំងឺសាហាវ
ការដែលមានសុខភាពល្អគឺសំខាន់ណាស់ សម្រាប់ជួយទ្រទង់រាងកាយឲ្យមានលំនឹងរឹងមាំជារៀងរាល់ថ្ងៃនេះ។ ហេតុដូចនេះ ប្រសិនបើអ្នកមិនយកចិត្តទុកដាក់លើទម្លាប់នៃការញ៉ាំទេ នោះវាក៏អាចបំផ្លាញសរីរាង្គខាងក្នុង និងធ្វើឱ្យកម្លាំងចុះខ្សោយបានដែរ។
មិនញាំអាហារពេលព្រឹក
ការមិនញ៉ាំអាហារពេលព្រឹកធ្វើឱ្យរាងកាយគ្មានការផ្គត់ផ្គង់ថាមពលដែលវាត្រូវការ ដោយសារនៅពេលព្រឹក រាងកាយត្រូវប្រមូលបរិមាណជាតិស្ករ និងប្រូតេអ៊ីនដែលត្រូវបានរក្សាទុក ហើយត្រៀមខ្លួនសម្រាប់សកម្មភាពទាំងអស់។ ដូច្នេះហើយ អ្នកដែលរំលងអាហារពេលព្រឹកអាចលេចស្នាមជ្រួញនៅភ្នែក និងមុខ ដោយពន្លឿនដំណើរការនៃភាពចាស់។ យ៉ាងណា អ្នកដែលរំលងអាហារពេលព្រឹកយូរ មុខងារនៃទឹកប្រមាត់ក៏ត្រូវបានកាត់បន្ថយផងដែរ។ មិនត្រឹមតែប៉ុណ្ណោះ ការរំលងអាហារពេលព្រឹកក៏បណ្តាលឱ្យមានអារម្មណ៍ឃ្លាន អស់កម្លាំង សម្ពាធឈាមទាប ធ្វើឱ្យអ្នកមិនអាចផ្តោតអារម្មណ៍បាន ប៉ះពាល់ដល់ដំណើរការការងារ។
ផឹកភេសជ្ជៈមានជាតិអាល់កុលច្រើនពេក
ជាតិអាល់កុលបណ្តាលឱ្យមានឥទ្ធិពលដូចដូមីណូ កាឡូរីដែលបានមកពីភេសជ្ជៈរួមផ្សំជាមួយនឹងការញ៉ាំដោយសេរីធ្វើឱ្យរាងកាយមានកាឡូរីលើសរាប់រយ។ អាក្រក់ជាងនេះ វាកើតឡើងជាញឹកញាប់ដោយសារតែការយល់ខុសថា ភេសជ្ជៈនេះមិនមានជាតិខ្លាញ់។ តាមពិតទៅ បើអ្នកឈប់ផឹក នោះទម្ងន់របស់អ្នកនឹងធ្លាក់ចុះយ៉ាងលឿន។
ញ៉ាំលឿនពេក
នៅពេលញ៉ាំឆាប់រហ័សអាហារមិនត្រូវបានដំណើរការយ៉ាងហ្មត់ចត់នៅក្នុងមាត់ធ្មេញទេ ហើយក្នុងទម្រង់ឆៅរបស់វាបានធ្លាក់ចុះដល់ក្រពះ។ នេះអាចបង្កើនបន្ទុកលើក្រពះ ធ្វើឱ្យស្រទាប់ក្រពះងាយរងគ្រោះ ងាយបង្កជំងឺ។ ទន្ទឹមនឹងនេះ ការញ៉ាំលឿនពេក ធ្វើឱ្យប្រព័ន្ធសរសៃប្រសាទកណ្តាលនៃខួរក្បាលពិបាកគ្រប់គ្រងអាហារ នាំឱ្យញ៉ាំច្រើនពេក។ បរិមាណថាមពលដ៏ច្រើនដែលផ្ទុកក្នុងរាងកាយនឹងត្រូវបានបំប្លែងទៅជាខ្លាញ់ ដែលបង្កើនហានិភ័យនៃការធាត់។
ញ៉ាំប្រៃពេក
ទោះបីជាអំបិលគឺជាគ្រឿងទេសដែលធ្លាប់ស្គាល់ និងមិនអាចខ្វះបានក៏ដោយ ប៉ុន្តែការទទួលទានអំបិលច្រើនពេកអាចបណ្តាលឱ្យកើតជំងឺថ្លើម និងតម្រងនោម ប៉ះពាល់ដល់បេះដូង និងនាំឱ្យសម្ពាធឈាមឡើងខ្ពស់។ ដូច្នេះ ដើម្បីការពារសុខភាព អ្នកមិនគួរទទួលទានអំបិលលើសពី ៥ក្រាមក្នុងមួយថ្ងៃឡើយ។
ផឹកទឹកមិនគ្រប់គ្រាន់
មនុស្សជាច្រើនតែងតែផឹកទឹកតែពេលស្រេក ប៉ុន្តែទម្លាប់នេះធ្វើឱ្យទឹកនោមថយចុះ និងប្រមូលផ្តុំជាតិប្រៃខ្ពស់។ លើសពីនេះ នៅពេលដែលរាងកាយខ្វះជាតិទឹក សម្ពាធឈាមនឹងធ្លាក់ចុះ ចង្វាក់បេះដូងកើនឡើង ដែលនាំឱ្យលំហូរឈាមទៅកាន់ខួរក្បាលយឺត ប៉ះពាល់ដល់សមត្ថភាពប្រមូលផ្តុំ ងាយនឹងអស់កម្លាំង។
ប្រភព៖ បរទេស
ព័ត៌មានថ្មីៗ
