កម្រងផ្កាភួងនាំសំណាង ប្រាប់ពីអាថ៌កំបាំងពិតកប់ជ្រៅនៅក្នុងជីវិត ដែលអ្នកអាចមិនធ្លាប់ដឹងពីមុនមក
សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំវិធីធ្វើតេស្តចិត្តសាស្ត្រ មួយទៀតមកឲ្យប្រិយមិត្តពិនិត្យមើលការគិត និងបុគ្គលិកលក្ខណះពិតខ្លួនឯង តាមរយៈការជ្រើសរើសកម្រងផ្កាមួយភួងដែលអ្នកចូលចិត្តបំផុត ហើយអានចម្លើយពិតរបស់អ្នកនៅខាងក្រោម ។
កម្រងទី 1
អ្នកគឺជាមនុស្សល្អមិនថាចូលក្នុងសង្គម ឬបរិយាកាសបែបណា អ្នកក៏នៅតែអាចរក្សាគោលជំហរខ្លួនឯងបានជានិច្ច ។ អ្នកជាមនុស្សឆ្លាត ស្មោះត្រង់ មានទំនុកចិត្តលើខ្លួនឯងខ្ពស់ ថែមទាំងមានមន្តស្នេហ៍ពីធម្មជាតិ មានឧត្តមគតិដ៏ប្រពៃ ។
អ្នកក៏ជាមនុស្សដែលចូលចិត្តស្វែងយល់បទពិសោធថ្មីៗ ដំណើរផ្សងព្រេងនិងរៀនពីបទពិសោធន៍ផ្ទាល់ខ្លួន ជាជាងអានសៀវភៅឬ ស្តាប់តែគេនិយាយ ។
ថែមទាំងមិនចូលចិត្តឲ្យនរណាត្រួតត្រា បញ្ជាអ្នកឲ្យធ្វើនេះធ្វើនោះតាមតែអំពើចិត្តឡើយ ព្រោះអ្នកជាមនុស្សមានការទទួលខុសត្រូវលើខ្លួនឯង ។
លើសពីនេះអ្នកក៏មិនមែនជាមនុស្សឆេវឆាវ ឆាប់ខឹង យល់តែពីចិត្តខ្លួនឯងដែរតែបើជួបមនុស្សចង់លេងខ្សែលើ អ្នកនឹងមិនអត់ឱន់ឲ្យឡើយ ។
កម្រងទី 2
ធម្មតានៅពេលអ្នកនិយាយជាមួយនរណាម្នាក់ អ្នកតែងតែបន្ទាបខ្លួន និស្ស័យរបស់អ្នកធ្វើឱ្យជីវិតរបស់អ្នករីកចម្រើន មានតែមនុស្សចង់រាប់អាន ។
តែពេលខ្លះអ្នកបែរជារឹងទទឹង ឆាប់ខឹងឆាប់ឆេវឆាវ បើនិយាយថាទេមួយម៉ាត់ហើយ ទោះឲ្យប៉ុន្មានក៏មិនអាចប្តូរចិត្តរបស់អ្នកបានដែរ។
ដែលវាផ្ទុយពីរូបរាងស្រទន់ និងមានមន្តស្នេហ៍នៅខាងក្រៅ តែនៅខាងក្នុងចិត្តគឺស្មុគស្មាញពិបាកយល់ទៅវិញ ។
ជាក់ណាស់នេះជាចរិតមនុស្សច្នៃប្រឌិត ចូលចិត្តធ្វើការដោយការស្រមើលស្រមៃនិងអារម្មណ៍ខាងក្នុង ចូលចិត្តធ្វើការយ៉ាងសន្សឹមៗមិនបង្ខំ ។
លើសពីនេះ អ្នកជាមនុស្សគិតអ្វីនិយាយហ្នឹង មិនសូវជាចេះនិយាយផ្អែមល្ហែមបញ្ចេញបញ្ចូលវាយអែបស៊ីអប អាក្រក់ថាអាក្រក់ ល្អថាល្អ ម្ល៉ោះហើយមនុស្សដែលមានចរិតស៊ីជោរមិនសូវជាចូលចិត្តអ្នកប៉ុន្មានទេ មនុស្សមិនស្គាល់អាចគិតថាអ្នករឹក តែអ្នកដែលស្គាល់អ្នកច្បាស់នឹងដឹងថាអ្នកជាមនុស្សត្រង់គួរឲ្យរាប់អាន ។
កម្រងទី 3
អ្នកជាមនុស្សពូកែនិយាយពូកែចចារ តែនរណាទៅដឹងមនុស្សពូកែនិយាយ ពូកែកំប្លុកកំប្លែងដូចអ្នក បែរជាមានអារម្មណ៍ធុញទ្រាន់ ច្របូកច្របល់ នៅពេលការខិតខំប្រឹងប្រែងមិនទទួលបានលទ្ធផលល្អត្រឡប់មកវិញ អ្នកនឹងមានអារម្មណ៍បាក់ទឹកចិត្ត ហើយហត់នឿយយ៉ាងខ្លាំង ។
តែអ្នកមិនមែនជាមនុស្សខ្លាចញញើតរត់គេចពីបញ្ហាទេ ចរិតរបស់អ្នកជាមនុស្សហ៊ានស៊ីហ៊ានសង មានទំនុកចិត្តលើខ្លួនឯងខ្ពស់ មានភាពឯករាជ្យ មានចិត្តរឹងប៉ឹង បើតាំងចិត្តធ្វើអ្វីហើយ ដឹងតែធ្វើរហូតដល់ទីបញ្ចប់ ។
ភាពខ្លាំងរបស់អ្នក ពេលខ្លះក៏ធ្វើឲ្យអ្នកដទៃមើលមកថាអ្នកជាមនុស្សក្បាលរឹង មិនចេះស្តាប់នរណា ធ្វើអ្វីតាមតែអំពើចិត្ត តែពួកគេមិនដឹងទេថាអ្នកគឺជាមនុស្សមានឧត្តមគតិ ។
កម្រងទី 4
ធម្មតាអ្នកមិនមែនជាមនុស្សប៉ិនអួត ប៉ិនសម្ញែងទ្រព្យសម្បតិ្ត លុយឡាន ឬប៉ិនដ្រាម៉ាដូចគេទេ ព្រោះអ្នកច្បាស់ពីសមត្ថភាពខ្លួនឯង ដឹងថាគោលដៅខ្លួនគឺជាអ្វី ម្ល៉ោះហើយវាអត់ប្រយោជន៍ទេដែលត្រូវមកសម្ញែងទាំងដែលខ្លួនជំពាក់គេរុំកោះ ហើយនេះក៏មិនមែនជាចរិតអ្នកដែរ ។
អ្នកតែងតែផ្តល់សារៈសំខាន់លើមនុស្សជុំវិញខ្លួន គ្រួសារ និងមិត្តភ័ក្ត ជាជាងទៅចេះដឹងរឿងអ្នកដទៃ ព្រោះអ្នកផ្ដោតលើការងារខ្លួនឯង ចិញ្ចឹមគ្រួសារខ្លួនឯង ជាជាងយកខួរក្បាលទៅគិតរឿងគេ ។
កម្រងទី 5
មើលមួយភ្លែតអ្នកហាក់ដូចជាមនុស្សនិយាយច្រើន តែតាមពិតទៅអ្នកជាមនុស្សចូលចិត្តនៅម្នាក់ឯង ចូលចិត្តធ្វើអ្វីតែម្នាក់ឯងច្រើនជាង ព្រោះអ្នកគិតថាការធ្វើតែម្នាក់ឯងវាលឿន និងមានរបៀបរៀបរយជាង ។
សម្រាប់អ្នកអ្វីៗគ្រប់យ៉ាងត្រូវតែល្អឥតខ្ចោះ មិនថាការរៀនសូត្រ របស់របរប្រើប្រាស់ត្រូវតែរៀបចំយ៉ាងមានសណ្ដាប់ធ្នាប់ ឬសូម្បីការស្លៀកពាក់ រសនិយម និងអាកប្បកិរិយាក៏ត្រូវល្អឥតខ្ចោះដែរ ។
ប្រសិនបើអ្នកចាប់អារម្មណ៍លើអ្វីមួយ អ្នកនឹងត្រូវរៀនយក់ពីខ្លឹមសារនៃបញ្ហានោះឲ្យទាល់តែបាន ។
ចំពោះចំណុចពិសេសរបស់អ្នកគឺជាមនុស្សចេះបត់បែនតាមកាលៈទេសៈ មានភាពវៃឆ្លាតរហ័សទាន់ហេតុការណ៍ ៕
ប្រភព៖ Knongsrok
ព័ត៌មានថ្មីៗ
