សំណាងគោះទ្វាររង់ចាំម្ចាស់ឆ្នាំទាំង ៣ ដែលនឹងមានយីអ៊ុនខ្ពស់ ពីឥឡូវដល់ឆ្នាំថ្មី ២០២២
ម្ចាស់ឆ្នាំទាំង ៣ ដូចបង្ហាញខាងក្រោម នឹងរីករាយជាមួយការឡើងយីអ៊ុន រាសីឡើងខ្ពស់ត្រដែតចាប់ពីពេលឥឡូវនេះ រហូតដល់ថ្ងៃទី ១ មករា ឆ្នាំ ២០២២ ឬចំថ្ងៃបុណ្យចូលឆ្នាំសកល៖
អ្នកកើតឆ្នាំរោង – នាគ
លក្ខណៈសម្បត្តិដ៏គួរឲ្យចាប់អារម្មណ៍របស់អ្នកកើតឆ្នាំរោង គឺភាពរហ័សរហួន ឈ្លាសវៃ និងមានចក្ខុវិស័យធំទូលាយជាងអ្នកដទៃ ដូច្នេះហើយទើបពួកគេរមែងទទួលបានឱកាសឡើងតំណែងខ្ពស់ក្នុងការងារដែលពួកគេកំពុងបម្រើការ។
មនុស្សនេះឆាប់ចុះសម្រុងនឹងគេណាស់ ដោយយីអ៊ុនរបស់ពួកគេនឹងកើនឡើងបន្តទៀត ចាប់ពីពេលនេះរហូតដល់បើកក្បាលចូលទំព័រឆ្នាំថ្មី ឆ្នាំខាល ២០២២ ដោយម្ចាស់ឆ្នាំរោង រមែងទទួលបានជោគជ័យធំក្នុងការងារ ហើយបើការរកស៊ីទុនធំ អាចទទួលបានកិច្ចសន្យាកើបទ្រព្យចំណេញជាច្រើន។ ឆ្លៀតពេលនេះ បើពួកគេចេះបង្កើតចន្លោះនៃក្តីសុខសម្រាប់អនាគតផង គឺកាន់តែល្អប្រសើរ ពោលកុំចាយវាយផ្តោតតែលើបច្ចុប្បន្នកាលពេកអី។
អ្នកកើតឆ្នាំខាល – ខ្លា
ម្ចាស់ឆ្នាំខាល ចន្លោះដើមខែវិច្ឆិកាដល់ដើមខែមករា ឆ្នាំក្រោយ នឹងទទួលបានលាភធំ ដូចត្រូវរង្វាន់ធំធ្លាក់ពីលើមេឃ អាចឲ្យពួកគេមានលទ្ធភាពទិញផ្ទះ ឡើងសេរ៊ីរថយន្តថ្មី ហើយក៏នៅសល់ទ្រព្យជាច្រើនទៀតរង់ចាំ។
បន្ថែមពីទ្រព្យដែលកើនឡើង ជាងនេះម្ចាស់ឆ្នាំខាល ក៏ត្រូវបានអ្នករាល់គ្នាកោតសរសើរ គោរពស្រលាញ់ផងដែរ។
អ្នកកើតឆ្នាំរកា - មាន់
ម្ចាស់ឆ្នាំមាន់ ជាមនុស្សឧស្សាហ៍ព្យាយាម ហ៊ានប្តេជ្ញាចិត្តខ្ពស់ រួចក៏ងាយនឹងជោគជ័យដែរ ក្នុងអាជីពការងារផ្សេងៗ។ ពួកគេមិនចេះខ្លាចឧបសគ្គនោះទេ ហើយដល់ចុងឆ្នាំនេះ លុយកាក់នឹងកាក់កបកាន់តែខ្លាំង រាសីឡើងខ្ពស់ត្រដែតចូលមកជុំទិស។
ម្ចាស់ឆ្នាំរកា ដរាបណានៅបន្តមានឆន្ទៈខ្ពស់ មានការព្យាយាមឥតឈប់ នោះឱកាសរីកចម្រើនក៏នៅតែមានបន្តកន្ទុយគ្នា។ រីឯសុភមង្គលក្នុងក្រុមគ្រួសារ ក៏ពោរពេញដោយសំណាងនិងសុខដុមរមនាថែមទៀតផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
