តើអ្នកមានថាមពលវេទមន្តអ្វី ដែលអំណោយទានពីធម្មជាតិ?
តើអ្នកធ្លាប់ដឹងដែរទេ មនុស្សយើងមានទេពកោសល្យខុសៗពីគ្នា ហើយចំណុចខ្លះវាប្រៀបដូចជាវេទមន្តដែលធម្មជាតិបានផ្តល់ឲ្យ។ តើអ្នកមានចំណុចខ្លាំងមួយនោះត្រង់ណាដែរ? តាមរយៈការជ្រើសរើសរូបភាពដួងខែមួយ យើងអាចបង្ហាញចម្លើយដូចខាងក្រោម៖
ដួងខែទី ១
អ្នកជាមនុស្សដែលមិនខ្លាចបរាជ័យ មិនខ្លាចឧបសគ្គ ហើយបើទោះបីដឹងថាឧបសគ្គនៅខាងមុខ ឲ្យតែនោះជាផ្លូវឆ្ពោះទៅរកភាពជោគជ័យ គឺអ្នកមិនរុញរានឹងដើរចូលឡើយ។ ជាងនេះអ្នកមានភាពអត់ធ្មត់ខ្ពស់ពីកំណើត ហើយមានទំនោរក្នុងការរង់ចាំឱកាស បើទោះបីវាទាមទារពេលវេលារាប់ឆ្នាំ ក៏អ្នកមិនដែលបោះបង់ម្តងណាដែរ។
តាមរយៈការតស៊ូ និងការប្តេជ្ញាចិត្តបែបនេះ ច្បាស់ណាស់នៅពេលខាងមុខអ្នកនឹងទទួលបានផលតបស្នងដ៏អស្ចារ្យត្រលប់មកវិញ។ អ្វីដែលអ្នកធ្លាប់បានប៉ង វាកំពុងកៀកជិតមកដល់ក្បែរអ្នកហើយ។
ដួងខែទី ២
អ្នកមានសមត្ថភាពក្នុងការយល់ចិត្ត និងយល់អារម្មណ៍មនុស្ស ដែលនេះជាធម្មជាតិផ្តល់ឲ្យអ្នក ពោលអ្នកអាចសម្របទៅកាន់មនុស្សសឹងតែគ្រប់គ្នាបាន ព្រោះអ្នកយល់ច្បាស់ថាគេចង់បានអ្វី គេចង់មានចេតនាអ្វីមកលើអ្នក។
វាក៏ជាជំនួយដ៏អស្ចារ្យមួយដែរ ដែលជំរុញយើងឲ្យងាយស្រួលក្នុងការបង្កើតកិច្ចប្រាស្រ័យទាក់ទង ជាមួយមនុស្សតូចធំ ហើយបើក្នុងការរកស៊ី ឬការចរចាការងារ គេតែងតែគោរពនិងឲ្យតម្លៃមកលើអ្នកជានិច្ច។
ដួងខែទី ៣
ចំណុចខ្លាំងពីធម្មជាតិរបស់អ្នក គឺភាពរួសរាយ និងការឆ្លើយតបយ៉ាងឆាប់រហ័ស ដែលនេះលុយប្តូរមិនបានទេ។ ដែរលឺគេនិយាយទេ មនុស្សរួសរាយទៅណាក៏មិនដាច់ពោះដែរ ហើយមានគេរាប់អាន ស្រលាញ់ចូលចិត្តគ្រប់ទីកន្លែង។
អ្នកទទួលបានភាពកក់ក្តៅទ្វេដងពីមនុស្សជុំវិញខ្លួន អ្នកមើលឃើញពិភពលោកមួយនេះពោរពេញដោយភាពស្រស់បំព្រង អមដោយការគិតវិជ្ជមាន ច្រើនជាងអវិជ្ជមាន។ យើងសូមអបអរដល់អ្នក ដែលទទួលបានកាដូដ៏ពិសេសមួយនេះតាំងពីកំណើតមក។
ដួងខែទី ៤
អ្នកខ្លាំងត្រង់មានភាពច្នៃប្រឌិត អាចកែខៃបញ្ហាឲ្យមើលទៅឃើញតូច និងរកបានដំណោះស្រាយលឿន។ វាគ្មានទីបញ្ចប់នោះទេ សម្រាប់ភាពឈ្លាសវៃរបស់អ្នក ក្នុងការឆ្ពោះទៅរកភាពជោគជ័យ។
យ៉ាងណាអ្នកជាមនុស្សឯករាជ្យ អ្នកមិនសូវចូលចិត្តស្តាប់យោបល់អ្នកដទៃប៉ុន្មានទេ ហើយការប្រកបកិច្ចការងារអ្វី បើធ្វើតែឯងបាន គឺស៊ូធ្វើ ដោយមិនចង់មានការសហការ ឬពឹងពាក់អ្នកដទៃឲ្យមកជួយឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
