កាយវិការទាំង ៨ របស់មនុស្សនិយាយកុហក តែងតែបង្ហាញចេញមក
អ្នកកុហក តែងតែព្យាយាមអូសបន្លាយរឿងដោយការនិយាយកុហក ការនិយាយរបស់ពួកគេ អាចមានភាពរស់រវើក ប៉ុន្តែមិនមានព័ត៌មានសំខាន់ និងចំណុចច្បាស់ការណ៍ណាមួយឡើយ។ ខាងក្រោមនេះ គឺជាសញ្ញាសម្គាល់ទាំង៨ចំណុច ដែលអាចជួយអ្នកឱ្យរកឃើញថា មនុស្សណាម្នាក់ កំពុងតែនិយាយកុហកអ្នក។
១. ប្រើកាយវិការដៃច្រើនពេក
ការសិក្សាមួយបានរកឃើញថា អ្នកកុហកតែងតែធ្វើចលនាដៃទាំងពីរ។ អ្នកជំនាញម្នាក់បាននិយាយថា «ចិត្តរបស់ពួកគេកំពុងធ្វើការច្រើនពេក រួមទាំងការបង្កើតរឿង ដោយមើលថា តើពួកគេអាចជឿបានឬអត់ និងបន្ថែមព័ត៌មានលម្អិតតាមនោះ»។ ដូច្នេះលើកក្រោយត្រូវយកចិត្តទុកដាក់លើកាយវិការដៃរបស់អ្នកដទៃ និងរឿងដែលគេប្រាប់ ដើម្បីវិនិច្ឆ័យថាគេស្មោះនឹងអ្នកឬអត់?
២. និយាយតិចបែបស្ទាក់ស្ទើរ ឬនិយាយច្រើនពេក
អ្នកស្រាវជ្រាវបានសន្និដ្ឋានថា ប្រសិនបើអ្នកសួរសំណួរ អ្នកកុហកនឹងផ្តល់ព័ត៌មានលម្អិតតិចជាងអ្នកនិយាយការពិត។ ពួកគេមានទំនោរមិនប្រើពាក្យពិពណ៌នានៅក្នុងការសន្ទនា។ អ្នកនិយាយការពិតតែងតែនិយាយរឿងដដែលៗម្តងហើយម្តងទៀត ហើយបន្ថែមព័ត៌មានលម្អិត ប្រសិនបើពួកគេចងចាំ ខណៈពេលដែលអ្នកកុហកតែងតែបង្កើតរឿងផ្សេង ហើយមិនបន្ថែមព័ត៌មានលម្អិតឡើយ។
ម្យ៉ាងវិញទៀត អ្នកជំនាញកំណត់អត្តសញ្ញាណអ្នកភូតកុហក ព្យាយាមអូសបន្លាយរឿងដោយការនិយាយកុហក។ សុន្ទរកថារបស់ពួកគេ អាចមានភាពរស់រវើក ប៉ុន្តែមិនមានព័ត៌មានលម្អិត ឬសំខាន់ៗនោះឡើយ។
៣. ចង្អុលទៅកាន់ដៃគូ
នៅពេលអ្នកកុហកក្លាយជាអរិភាព ឬការពារ ពួកគេព្យាយាមធ្វើឱ្យអ្នកមានអារម្មណ៍ខុស ហើយផ្តោតការវាយប្រហារទៅលើការខ្វះទំនុកចិត្តរបស់អ្នក ដោយការចង្អុលមុខអ្នក។ អ្នកកុហកអាចព្យាយាមបំភិតបំភ័យអ្នក នៅពេលដែលអ្នកមិនជឿពួកគេ។
៤. ជើងមួយបែរមុខចេញ
នេះអាចជាសញ្ញានៃការកុហកមួយបែបផ្សេងទៀតដែរ។ ភាពប្រែប្រួលនៃប្រព័ន្ធសរសៃប្រសាទស្វយ័ត កើតឡើងនៅពេលដែលនរណាម្នាក់បោកប្រាស់ ហើយពួកគេមានអារម្មណ៍ថប់បារម្ភ ចង់ចាកចេញឱ្យបានឆាប់តាមដែលអាចធ្វើទៅបាន។
៥. ការឆ្លើយតបយឺត
ប្រសិនបើនរណាម្នាក់រង់ចាំលើសពី ៥វិនាទី ដើម្បីឆ្លើយសំណួរ នោះគឺជាសញ្ញានៃការនិយាយកុហក។ អ្នកកុហកក៏មានទំនោរទៅលើអារម្មណ៍របស់ខ្លួនដែរ។ អ្នកអាចយកចិត្តទុកដាក់ ថាតើការនិយាយយឺតរបស់ពួកគេ គឺដោយសារតែពួកគេហត់នឿយ ឬប្រសិនបើវាគ្រាន់តែជារបៀបនិយាយធម្មតា។ ប្រសិនបើករណីទាំងពីរនេះ សូមកុំពឹងផ្អែកលើភាពយឺតយ៉ាវសម្រាប់ការរកឃើញការកុហក។
៦. ប្រើយុទ្ធសាស្ត្របង្វែរ
ល្បិចរំខានរួមមាន ៖ បង្វែរការសន្ទនាទៅប្រធានបទមួយទៀត និយាយប្រយោគគ្មានន័យដើម្បីឱ្យអ្នកយល់ច្រឡំ ឆ្លើយនឹងសំណួរមួយទៀតដូចជា៖ "ហេតុអ្វីខ្ញុំគួរ?"...
៧. ញញឹមបែបវៀចមាត់ទីម្ខាង
អ្នកក៏អាចយកចិត្តទុកដាក់លើបបូរមាត់របស់អ្នក ដែលអ្នកកំពុងតែនិយាយជាមួយ នៅពេលអ្នកកំពុងនិយាយ។ ប្រសិនបើគេញញឹមបែបវៀចមាត់បន្តិច នោះអាចជាសញ្ញានៃការព្យាយាមកុហក ឬសើចចំអក ពេបជ្រាយដល់អ្នក។
៨. ប្រើពាក្យអវិជ្ជមាន
អ្នកកុហកតែងតែប្រើពាក្យអវិជ្ជមានជាញឹកញាប់។ ពួកគេមើលទៅមានការព្រួយបារម្ភ និងត្អូញត្អែរ។ អ្នកប្រហែលជាឮពាក្យជាច្រើនដែលបង្ហាញពីអារម្មណ៍អវិជ្ជមានដូចជា សោកសៅ ស្អប់ ភាពគ្មានតម្លៃជាដើម ទាំងអស់នេះ គឺជាសញ្ញានៃការកុហកហើយ៕
ប្រភព ៖ iOne / Knongsrok
ព័ត៌មានថ្មីៗ
