ថ្ងៃ Halloween ខាងមុខ ម្ចាស់តារានិករទាំង ៣ ថ្ងៃ ត្រូវប្រយ័ត្នពាក្យសម្តី ហើយអត់ធ្មត់ឲ្យបានខ្ពស់
នៅថ្ងៃទី ៣១ តុលា ចំថ្ងៃអាទិត្យខាងមុខនេះ គឺជាបុណ្យ Halloween ដែលជាបុណ្យរបស់គ្រិស្តសាសនា នៅប៉ែកខាងលិចឯណោះ។ យ៉ាងណាសម្រាប់អ្នកជឿលើហោរាសាស្រ្តទស្សន៍ទាយតាមរយៈតារានិករ (Zodiac) គួរតែអាននៅអត្ថបទខាងក្រោម៖
១) តារានិករ Aries អ្នកកើតចន្លោះថ្ងៃទី ២០ មិនា ដល់ ២១ មេសា
តារានិករ Aries ទទួលសញ្ញាព្រមានមិនល្អនោះទេ សម្រាប់ថ្ងៃ Halloween នាចុងខែខាងមុខ ដោយវាជាពេលវេលាដែលពួកគេត្រូវគិតគ្រប់យ៉ាងឲ្យបានល្អិតល្អន់មែនទែន ព្រោះអាចងាយនឹងបង្កកំហុសខ្លាំងណាស់ក្នុងជីវិត។
ស្ថានភាពហិរញ្ញវត្ថុរបស់ Aries វិញ គឺអាចនៅនឹង តែមិនឡើងទៅចំណុចល្អប្រសើរឡើយ ប៉ុន្តែប្រសិននៅបន្តខិតខំមិនបោះបង់រំលងតែប៉ុន្មានសប្តាហ៍ក្រោយ នឹងវិលទៅរកភាពល្អប្រសើរវិញជាមិនខាន។
ដោយឡែកក្នុងរឿងស្នេហា សម្រាប់អ្នកនៅលីវ ចូរកុំទាន់ភ្លក់រសជាតិស្នេហ៍ជាមួយនរណានៅពេលខាងមុខ ព្រោះអាចជួបបញ្ហាច្រើនជាងក្តីសុខ។ អ្នកដែលមានស្នេហាហើយ អាចនឹងមានអារម្មណ៍មិនសូវល្អបន្តិច ព្រោះដៃគូគេរាងព្រងើយកន្តើយមិនសូវខ្វល់ពីអ្នក។
២) តារានិករ Pisces អ្នកកើតចន្លោះថ្ងៃទី ១៩ កុម្ភៈ ដល់ ២០ មិនា
មានរឿងរញ៉េរញ៉ៃច្រើននឹងចូលមកក្នុងជីវិតអ្នក ដែលបណ្តាលឲ្យចិត្តអ្នកមិនជាមានភាពរីករាយអ្វីនោះទេនៅពេលខាងមុខ។ បើនិយាយពីរឿងរ៉ាវស្នេហា អ្នកនៅលីវហាក់មិនមានអ្វីនោះទេ តែបើអ្នកមានដៃគូ នឹងកើតមានរឿងមិនយល់ចិត្តគ្នាមួយចំនួន។
សម្រាប់ម្ចាស់តារានិករមួយនេះ ត្រូវតែរៀបចំខ្លួនឲ្យបានល្អ មានការប្រុងប្រយ័ត្នឲ្យបានខ្ពស់កំឡុងថ្ងៃ Halloween ខាងមុខនេះ។ សម្ពាធការងារខ្លាំងប៉ុណ្ណា ក៏មានការទប់ចិត្ត អត់ធ្មត់ឲ្យបានកាន់តែច្រើនកាន់តែល្អ ជារួមកុំមាត់ធំមាត់តូចទៅកាន់មនុស្សជុំវិញខ្លួន ត្រូវគិតថា បញ្ហានឹងឆ្លងផុតត្រឹមរយៈពេលខ្លី។
៣) តារានិករ Cancer អ្នកកើតចន្លោះថ្ងៃទី ២១ មិថុនា ដល់ ២២ កក្កដា
Cancer ពោរពេញដោយភាពមិនចុះសម្រុង ធ្វើឲ្យអ្នកមានអារម្មណ៍រាងច្របូកច្របល់បន្តិចដែរនៅកំឡុងពេល ៣ ថ្ងៃខាងមុខ។
អ្នកអាចទទួលរងអារម្មណ៍ភ័យខ្លាច ស្រងាកចិត្តពេលឃើញរឿងរ៉ាវមួយចំនួនជុំវិញខ្លួន រួមទាំងមនុស្សស្និទ្ធក្បែរខ្លួន ក៏គេអាចនឹងប្រឈមបញ្ហាបន្តិចដែរ។ ជារួមបើអ្នកហ៊ានតែបាត់បង់ជំនឿចិត្តពេលខាងមុខ គឺអាចនឹងកាន់តែធ្លាក់ខ្លាំង អ៊ីចឹងហើយចូរត្រូវតែប្រាប់ខ្លួនឯងឲ្យបន្តទៅមុខទៀត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
