តម្លៃថោកងាយស្រួលរក! អាហារ ៥ អាចជួយការពារ ពីជំងឺដាច់សរសៃឈាមខួរក្បាល
ជំងឺដាច់សរសៃឈាមខួរក្បាល ត្រូវបានគេរាប់ចូលជាជំងឺដ៏កាចសាហាវមួយ ព្រោះវាអាចឆក់យកជីវិតមនុស្សត្រឹមតែមួយរំពេច ដោយមិនដឹងខ្លួន។ យ៉ាងណាក្នុងអត្ថបទនេះ Knongsrok សូមចែករំលែកឲ្យស្គាល់នូវអាហារ ៥ ដែលអ្នកគួរតែទទួលទានឲ្យបានញឹកញាប់ ព្រោះវាអាចកាត់បន្ថយហានិភ័យ និងបញ្ចៀសពីការកើតមានជំងឺដ៏គួរឲ្យខ្លាចនោះបាន៖
៥) ត្រកួន
បន្លែនេះមានជាតិកាល់ស្យូមច្រើន មានសារធាតុប្រឆាំងអុកស៊ីតកម្ម ល្អសម្រាប់ការរក្សាសម្ពាធ osmotic នៃសរសៃឈាម ហើយរក្សាសម្ពាធឈាមឲ្យស្ថិតស្ថេរ។ ដូច្នេះទាំងសម្រាប់អ្នកជំងឺលើសឈាម ជំងឺបេះដូង ក៏រាប់ថាល្អដែរ។
៤) ដំឡូងជ្វា
ជាអាហារមានជាតិសរសៃ គេប្រើប្រាស់វាច្រើនសម្រាប់អ្នកចង់សម្រកទម្ងន់។ តែយ៉ាងណាវាក៏ជួយការពារនូវការប្រមូលផ្តុំបន្ទះសរសៃឈាម និងការកកកុញនៃចរន្តឈាម ពោលពិតជាល្អ ដែលអាចកាត់បន្ថយហានិភ័យនៃការកើតមានជំងឺខាងលើបាន។
៣) ភ្លៅកង្កែប
ក្រៅពីមានជាតិសរសៃខ្ពស់ សម្រាប់ភ្លៅកង្កែបដែលគេឧស្សាហ៍យកមកកិនយកទឹកផឹក ក៏វាអាចជួយកាត់បន្ថយខ្លាញ់ក្នុងឈាម និងគ្រប់គ្រងជាតិស្ករក្នុងឈាមបានល្អផងដែរ។ វាល្អសម្រាប់ការពារអ្នកជំងឺលើសឈាម និងការពារជំងឺដាច់សរសៃឈាមខួរក្បាល។
២) ក្រូចថ្លុង
សមាសធាតុ Naringenin នៅក្នុងផ្លែក្រូចថ្លុង ដើរតួនាទីយ៉ាងសំខាន់ ដែលអាចជួយដុតបំផ្លាញជាតិខ្លាញ់ក្នុងថ្លើម។ វាក៏ល្អសម្រាប់ការសម្រកទម្ងន់ផងដែរ ហើយជួយរក្សាកម្រិតជាតិស្ករក្នុងឈាម ដូច្នេះពិតជាល្អសម្រាប់អ្នកមានជំងឺធាត់ និងសរសៃឈាមបេះដូង។
១) ក្រូចឆ្មា
វាផ្ទុកនូវវីតាមីន C ហើយមានសារធាតុប្រឆាំងនឹងការរលាក ក៏ដូចជាអាហារដែលអាចកម្ចាត់ជាតិពុលក្នុងរាងកាយយ៉ាងមានប្រសិទ្ធភាព។ ការទទួលទានទឹកក្រូចឆ្មារក្ដៅឧណ្ណៗ មួយកែវរៀងរាល់ព្រឹក គឺដូចជួយកម្ចាត់ជាតិពុលទាំងឡាយក្នុងរាងកាយ បង្កើនភាពធន់ កាត់បន្ថយខ្លាញ់ក្នុងឈាម ការពារអ្នកបានពីជំងឺដាច់សរសៃឈាមខួរក្បាល៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
