ចំណាំទុក! នេះអាហារ ៥ ដុតខ្លាញ់រាងកាយបានល្អ ហើយថែមទាំងជួយលើកសម្រស់
ខ្លាញ់លើសក្នុងរាងកាយគឺមិនល្អនោះទេ ព្រោះវាងាយធ្វើឲ្យយើងមានភាពតានតឹង ប្រឈមនឹងជំងឺជាច្រើន។ យ៉ាងណាមានវិធីច្រើនក្នុងការដុតខ្លាញ់ក្នុងរាងកាយ ដូចជាការហាត់ប្រាណជាដើម តែបើនិយាយពីរបបអាហារ បើអ្នកជ្រើសរើសត្រូវ ក៏វាអាចចូលរួមចំណែកជួយបានដូចគ្នា។
ខាងក្រោម Knongsrok លើកឈ្មោះអាហារសុខភាព ៥ ដែលអ្នកគួរតែទទួលទានឲ្យបានច្រើន ព្រោះវាអាចជួយកាត់បន្ថយខ្លាញ់ដែលលើសក្នុងរាងកាយ៖
៥) ខ្លាញ់ត្រី
សំដៅទៅការទទួលទានត្រីដូចជា ត្រីធូណា ត្រី Salmon ដែលវាមានផ្ទុកអាស៊ីដខ្លាញ់អូមេហ្គា-៣ ជំនួយដល់សុខភាពបេះដូង។ តាមការស្រាវជ្រាវពីអ្នកជំនាញនៅសហរដ្ឋអាមេរិក បង្ហាញថា ការទទួលទានអាហារដែលមានខ្លាញ់អូមេហ្គា-៣ ច្រើន វាជួយឲ្យមានបម្រែបម្រួលអាំងស៊ុយលីន និងប្រឆាំងការរលាក ដែលបណ្តាលមកពីជាតិខ្លាញ់លើសក្នុងសរសៃឈាម ជួយរក្សាឲ្យរាងកាយមានសុខភាពល្អ។
៤) ប្រេងដូង
ប្រភេទនៃជាតិខ្លាញ់ដែលមានក្នុងប្រេងដូង មានសមត្ថភាពក្នុងការកាត់បន្ថយការផ្ទុកជាតិខ្លាញ់លើសក្នុងរាងកាយ ហើយពេលខ្លះក៏ធ្វើឲ្យមានឱនភាពកាឡូរីផងដែរ។
ខ្លាញ់ប្រភេទនេះ វាជួយឲ្យយើងមានអារម្មណ៍ឆ្អែតលឿន កាត់បន្ថយការទទួលទានអាហារច្រើន ហើយក៏ជួយប្រព័ន្ធរំលាយអាហារ និងដុតបំផ្លាញជាតិខ្លាញ់បានយ៉ាងលឿនថែមទៀត។
៣) សណ្តែកដី
តាមអ្នកជំនាញនៅសរហដ្ឋអាមេរិកបាននិយាយថា សណ្តែកដីក៏ជាអាហារមួយ ជួយកាត់បន្ថយខ្លាញ់ក្នុងសរសៃឈាមយ៉ាងមានប្រសិទ្ធភាពបំផុតផងដែរ។ វាមានតម្លៃថោក ងាយស្រួលរកដែលអ្នកមិនគួរមើលរំលងឡើយ។
២) យ៉ាអួរ
យ៉ាអួរក៏អាចចូលរួមកាត់បន្ថយបរិមាណនៃជាលិកាខ្លាញ់ដែលផ្ទុកក្នុងពោះបានយ៉ាងល្អ ហើយវាក៏សម្បូរទៅដោយសារធាតុចិញ្ចឹមដែលបង្កើនការឆ្អែត ធ្វើឲ្យអ្នកឆ្អែតបានយូរ និងកាត់បន្ថយការទទួលទានអាហារមានកាឡូរីខ្ពស់។
អ្នកគួរតែទទួលទានយ៉ាអួរ ក្រោយ ១-២ ម៉ោងពេលទទួលទានអាហាររួច ក្រោយពេលហាត់ប្រាណ ឬមុនចូលគេង ជាការល្អបំផុត។ អ្នកគួរជ្រើសរើសយកប្រភេទយ៉ាអួរមានកម្រិតជាតិស្ករ និងខ្លាញ់ទាប។
១) ស៊ុត
ក្រៅពីផ្តល់នូវប្រូតេអ៊ីនច្រើន វាក៏មានសមត្ថភាពទប់ស្កាត់ការឃ្លាន ជួយឲ្យអ្នកទទួលទានតិច និងជំរុញដល់ការសម្រកទម្ងន់យ៉ាងមានប្រសិទ្ធភាព។ លើសពីនេះ វាក៏ចូលទៅជួយដុតជាតិខ្លាញ់លើស Visceral បានយ៉ាងលឿន។ យ៉ាងណាអ្នកគួរកំណត់ការទទួលទានស៊ុតត្រឹមតែ ១-២ សប្តាហ៍បានហើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
