ជប៉ុនមានអត្រាជំងឺរោគស្ត្រីទាបបំផុត ក៏ដោយសារស្រីៗប្រកាន់ខ្ជាប់ ៥ ចំណុចនេះ
ប្រទេសជប៉ុនត្រូវបានគេទទួលស្គាល់ថា ជាប្រទេសដែលមានប្រជាជនរស់នៅដោយអាយុវែង នៅភាគរយខ្ពស់បំផុត។ រីឯអត្រាអ្នកដែលកើតជំងឺរោគស្រ្តី ក៏មានការចុះថយទាបដែរពីមួយឆ្នាំទៅមួយឆ្នាំ។
នោះក៏ដោយសារតែស្រ្តីនៅប្រទេសជប៉ុនជាច្រើន ប្រកាន់ខ្ជាប់នូវគោលការណ៍ទាំង ៥ ខាងក្រោម ដែលអ្នកគួរតែរៀនសូត្រតាម ប្រសិនចង់ទទួលបានសុខភាពល្អ៖
១) របបអាហារ
អាហារលើតុជនជាតិជប៉ុន ឃើញច្រើនមុខណាស់ តែពួកគេរមែងលូកតែបន្តិចៗប៉ុណ្ណោះ ដើម្បីឲ្យរាងកាយអាចស្រូបជីវជាតិចម្រុះគ្រប់មុខ នៅពេលទទួលទានអាហារមួយពេលៗ។ ការធ្វើបែបនេះ ក្រៅពីបង្កើតតុល្យភាពអាហារូបត្ថម្ភក្នុងរាងកាយ ទៀតសោតក៏បញ្ចៀសហានិភ័យនៃជំងឺធាត់ផងដែរ។
ទទួលទានត្រីឲ្យបានច្រើន ហើយកាត់បន្ថយសាច់ ជារឿងមួយដែលជនជាតិជប៉ុនរមែងធ្វើ ព្រោះត្រីមានផ្ទុកអាស៊ីដខ្លាញ់អូមេហ្គា ៣ ខ្ពស់ ដែលវាអាចប្រឆាំងនឹងការឆ្លងមេរោគស្រ្តី យ៉ាងមានប្រសិទ្ធភាព។
២) ប្រើប្រាស់ខោទ្រនាប់ដែលមានគុណភាពខ្ពស់
ជនជាតិជប៉ុនយកចិត្តទុកដាក់ខ្លាំងណាស់ លើអនាម័យខ្លួនបប្រាណ ហើយគ្មានអ្វីត្រូវលាក់បាំងទេ គឺអនាម័យនៅការប្រើប្រាស់ខោទ្រនាប់ ជាចាំបាច់គឺផ្លាស់ប្តូររៀងរាល់ថ្ងៃ ឬមនុស្សមួយចំនួនមានទាំងផ្លាស់ប្តូរ ២ លើក/ថ្ងៃទៀតផង។
ការធ្វើបែបនេះវាអាចកាត់បន្ថយហានិភ័យនៃការឆ្លងមេរោគស្រ្តី ហើយខោទ្រនាប់ដែលពួកគេប្រើប្រាស់ មិនទម្លាប់ប្រើលើសពី ៣ ខែទេ គឺរមែងទិញថ្មីហើយ។ ប្រភេទសាច់នៃខោទ្រនាប់ដែលពួកគេជ្រើសរើសក៏មានគុណភាព ល្អផងដែរ ដោយវាផលិតពីកប្បាស ជៀសវាងការរលាកស្បែក។ អ្វីផ្សេងមិនដឹងទេ តែការចាយវាយលើខោទ្រនាប់ គឺជនជាតិជប៉ុនមិនខ្លាចនឹងចំណាយឡើយ។
៣) តាមដានរោគស្រ្តីទៀងទាត់
ក្មេងស្រីជាច្រើនមានជួបបញ្ហាតំបន់ឯកជននោះ តែមានការខ្មាសអៀនមិនហ៊ានទៅជួបពេទ្យ។ នេះដូចកំពុងសន្សំជំងឺ កាត់បន្ថយអាយុជីវិតខ្លួនឯង ហើយប្រសិនវាឈានដល់ដំណាក់កាលចុងក្រោយ មានលុយក៏ពិបាកព្យាបាលដែរ។
នៅប្រទេសជប៉ុនក្នុងមួយឆ្នាំៗ ស្រ្តីរមែងទៅពិនិត្យសុខភាពពាក់ព័ន្ធនឹងរោគស្រ្តី មិនក្រោម ១៤ ដងទេ។ អាចនិយាយបានថាប្រទេសនេះ ជាប្រទេសដែលប្រជាជនមានការអើពើលើបញ្ហាហ្នឹងខ្លាំងជាងប្រទេសណាទាំងអស់។
២) យកចិត្តទុកដាក់លើអនាម័យជាប្រចាំ
ជនជាតិជប៉ុនងូតទឹកមិនដែលរំលងថ្ងៃទេ ជាពិសេសនៅតំបន់ឯកជនគឺសម្អាតបានញឹកញាប់ល្អណាស់។
១) ជីវិតគ្មានភាពតានតឹង
ក្រៅពីការសម្អាតអនាម័យខ្លួនប្រាណ របបអាហារល្អហើយ ជំហានបន្ទាប់គឺការបង្វឹកផ្លូវអារម្មណ៍ខ្លួនឯង ដោយប្រជាជនជប៉ុន ជួបសម្ពាធការងារនិងសម្ពាធជីវិតតិចជាងស្រ្តីនៅប្រទេសដទៃទាំងអស់។
ជាក់ស្តែងដូចពេលមានផ្ទៃពោះ ស្រ្តីជនជាតិជប៉ុនឆ្លៀតពេលសម្រាកច្រើនហើយ ដោយមិនបណ្តោយឲ្យខ្លួនហត់ពេកទេ ដែលពេលវេលាមានបុត្រនេះ អាចបង្កជាភាពតានតឹងឆាប់រហ័ស និងនាំឲ្យកើតជំងឺរោគស្រ្តីលឿន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
