កីឡាករ Bayern សរសើរកីឡាករ Barcelona ម្នាក់ ថាល្អជាង Mbappe
បច្ចុប្បន្នសម្រាប់ Kylian Mbappe ក៏អាចរាប់បានជាកីឡាករលំដាប់ World-class មួយរូបផងដែរ ហើយបើសួរថានរណាល្អជាង Mbappe មតិភាគច្រើនប្រាកដជានឹកដល់ Erling Haaland, Mohamed Salah ឬ Cristiano Ronaldo, Lionel Messi អីជាដើម។
តែយ៉ាងណាមកមើលការយល់ឃើញរបស់ Serge Gnabry ឯណេះវិញ ដែលជាកីឡាករនៅក្លឹប Bayern Munich បែរជាជឿជាក់ថា ខ្សែប្រយុទ្ធស្លាប Ousmane Dembele របស់ Barcelona ក៏រាប់បានថាល្អជាង Mbappe ដែរ។
កីឡាករអាល្លឺម៉ង់ Gnabry បាននិយាយថា៖ "បើសួរថា នរណាជាកីឡាករល្អបំផុតរវាង Dembele និង Mbappe គឺខ្ញុំជ្រើសយក Dembele ហើយ"។
កីឡាកររបស់ក្លឹប Bayern Munich ម្នាក់ទៀត គឺ Thomas Muller ក៏សង្កត់ធ្ងន់ដែរ ពីមូលហេតុដែលខ្សែប្រយុទ្ធល្អជាង៖ "បើសួរថា តើគេល្អត្រង់ណា? នោះគឺ Dembele គេពូកែបណ្តើរបាល់ បើខ្ញុំបានប៉ុនគេ ខ្ញុំយកហើយ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
