កីឡាករ Man Utd ម្នាក់ ចុច Like លើការបង្ហោះដែលទាមទារឲ្យដកតំណែង Ole
មានការមិនពេញចិត្តជាខ្លាំង ពីសំណាក់អ្នកគាំទ្រនៅរយៈពេលចុងក្រោយ ដោយចង់ឲ្យក្លឹប Man Utd ដកតំណែងអ្នកចាត់ការលោក Ole Gunnar Solskjaer ក្រោយពីដឹកនាំមិនទទួលបានជោគជ័យ។
ពាក្យពេញនិយម #OleOUT បាននឹងកំពុងចែករំលែកជាបន្តបន្ទាប់លើបណ្ដាញសង្គម ហើយថ្មីៗនេះក៏ស្រាប់តែឃើញ Jesse Lingard កីឡាកររបស់ក្លឹប Man Utd បានចុច Like ដោយផ្ទាល់ ទៅលើការបង្ហោះមួយដែលបង្ហាញពីរូបភាពទឹកមុខមិនពេញចិត្តរបស់លោក Sir Alex Ferguson និងពាក្យ #OleOUT។
បញ្ជាក់ដែរថា Lingard គេពុំបានចូលលេងជាប់លាប់នោះទេឲ្យ United ហើយនៅប្រកួតទល់ Liverpool ដែលចាញ់ស្ពឹកមុខកន្លងទៅ ក៏មិនបានលេងសូម្បីតែក្នុងនាមជាកីឡាករបម្រុង។ ក៏មានដំណឹងថា កីឡាករអង់គ្លេសអាចជានឹងចាកចេញនៅពេលដ៏ខ្លីខាងមុខ ពោលនៅទីផ្សារដោះដូរខែមករាទៀតផង។
រំឭកថាកីឡាករវ័យ ២៨ ឆ្នាំ សេសសល់កុងត្រាជាមួយ United ដល់ចុងខែមិថុនា ឆ្នាំ ២០២២។ ស្ថិតិនៅរដូវកាល ២០២១/២២ គេបង្ហាញខ្លួនសរុប ៧ ប្រកួត រកបាន ២ គ្រាប់និង Assist ១ លើក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
