គិតថានរណាសម? នេះបេក្ខភាព ៤ រូប ដែល Man Utd កំពុងសម្លឹង ត្រៀមយកមកជំនួស Ole
តំណែងរបស់អ្នកចាត់ការលោក Ole Gunnar Solskjaer អាចនឹងត្រូវដកចោលនៅរយៈពេលដ៏ខ្លីខាងមុខ បន្ទាប់ពីដឹកនាំក្រុមទទួលបានលទ្ធផលមិនល្អនៅរយៈពេលចុងក្រោយ។ ដ្បិតបើកន្លងមកលឺថា ក្លឹបនៅតែចង់បន្តតំណែងឲ្យគ្រូសញ្ជាតិន័រវែស តែបន្ទាប់ពីចាញ់ Liverpool ស្ពឹកមុខថ្មីៗនេះ បែរជាចេញព័ត៌មានផ្សេង ថាក្លឹបកំពុងលៃលករកអ្នកថ្មីមកជំនួសហើយ។
បើតាមការចុះផ្សាយរបស់សារព័ត៌មាន TheSun បានឲ្យដឹងថា ក្លឹបបិសាចក្រហម Man Utd កំពុងសម្លឹងឃើញគ្រូបង្វឹក ៤ រូប ដែលរួមមាន Antonio Conte, Zinedine Zidane, Brendan Rodgers និង Erik Ten Hag។
ក្នុងចំណោមអ្នកទាំង ៤ មាន ២ រូបដែលនៅទំនេរជើង គឺ Conte និង Zidane ខណៈ Rodgers កំពុងដឹកនាំក្លឹប Leicester City ហើយ Ten Hag ដឹកនាំក្លឹប Ajax។ យ៉ាងណានិយាយពីភាគរយខ្ពស់បំផុត គឺបច្ចុប្បន្ន Conte ដែលលឺថាបើកភ្លើងខៀវក្នុងការទទួលយកតំណែងសារនេះហើយ ឲ្យតែអាចទទួលបានថ្លៃឈ្នួល ១០ លានផោន/ឆ្នាំ។
គួររំឭកថា ប្រកួតបន្ទាប់ Man Utd នឹងត្រូវចូលជួបម្ចាស់ដី Tottenham Hotspur ស្របពេលដែលចំណាត់ថ្នាក់នៅ PL ពួកគេកំពុងឈរលេខ ៧ មាន ១៤ ពិន្ទុ។ រីឯការលេងនៅ UCL គឺត្រូវចូលជួបម្ចាស់ដី Atalanta សារជាថ្មី នៅពាក់កណ្ដាលសប្ដាហ៍ក្រោយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
