Neville ថាកីឡាករ Arsenal រូបនេះ មានឆន្ទៈច្បាស់លាស់ជាង Ronaldo ទៀត
Gary Neville បាននិយាយដល់ឈ្មោះយុវជននៅក្លឹប Arsenal ថា គេមានឆន្ទៈច្បាស់លាស់ និងមានភាពល្អិតល្អន់ជាង Cristiano Ronaldo ទៅទៀត បើនិយាយពីកំឡុងពេលអាយុស្រករគ្នា។
នោះគឺខ្សែបម្រើ Emile Smith Rowe ដែលមានអាយុ ២១ ឆ្នាំហើយ ដោយគេបានមកចូលរួមនៅថ្នាលរបស់ Arsenal តាំងតែពីអាយុ ១០ ឆ្នាំ រួចបានវិវត្តខ្លួនក្លាយជាចំណែកដ៏សំខាន់មួយឲ្យក្រុមលោក Mikel Arteta។
ប្រាប់សារព័ត៌មាន Sky Sports លោក Neville និយាយថា៖ "Cristiano គឺជាមនុស្សដំបូង ដែលធ្វើឲ្យខ្ញុំគិតថា គេហ៊ាននិយាយអះអាងថាចង់ក្លាយជាកីឡាករល្អបំផុតក្នុងលោក វាជារឿងដែលកម្រ ព្រោះអ្នកដែលនិយាយពាក្យទាំងនេះ គឺលុះត្រាគេអាចបន្តភាពខ្លាំងរយៈពេលយូរ ហើយ Ronaldo គេឈរបានបែបហ្នឹងនៅកម្រិត ១០ ឬ ១៥ ឆ្នាំហើយ"។
លោកសង្កត់ធ្ងន់៖ "ដោយឡែកគ្រប់យ៉ាងដែល Smith Rowe គេបង្ហាញចេញមកវិញ គឺកាន់តែអស្ចារ្យ គេមើលកាន់តែវែងឆ្ងាយក្នុងអាជីពរបស់គេ ដោយ Cristiano Ronaldo ក៏មិនមានឆន្ទៈច្បាស់លាស់ខ្លាំងបែបនេះដែរ នៅស្រករអាយុ ២០ ជាងនេះ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
