Beckham ការពារខ្លួនក្រោយអ្នកស្រឡាញ់ភេទដូចគ្នានិង អ្នកឃ្លាំមើលសិទ្ធិកម្មករចោទប្រកាន់ទទួលលុយ១៥០លានផោនពីប្រទេសកាតា
David Beckhem បានរងការវាយប្រហារពីក្រុមអ្នកស្រឡាញ់ភេទដូចគ្នានិង អ្នកឃ្លាំមើលសិទ្ធិកម្មករ បន្ទាប់ពីបានចុះកិច្ចព្រមព្រៀង ការលើកកម្ពស់ការប្រកួតបាល់ទាត់ពិភពលោកនាពេលខាងមុខនេះដែលធ្វើឱ្យគាត់ទទួលបានប្រាក់យ៉ាងច្រើនសន្ធឹកសន្ធាប់។
អតីតខ្សែបម្រើរូបនេះត្រូវបានគេរាយការណ៍ថានឹងរកចំណូលបានប្រហែល ១៥០ លានផោនក្នុងកុងត្រារយៈពេល ១៥ ឆ្នាំខាងមុខនេះសម្រាប់តួនាទីជាទូតសុច្ឆន្ទៈរបស់ប្រទេសកាតាមុន និងក្រោយការប្រកួត FIFA World Cup ឆ្នាំ ២០២២ ។
យោងតាមសារព័ត៌មាន Telegraph បុរសវ័យ 46 ឆ្នាំរូបនេះបានការពារឯកជនភាពរបស់ខ្លួននូវកិច្ចព្រមព្រៀងរបស់គាត់ជាមួយប្រទេសកាតា ខណៈដែលកំណត់ត្រាអាក្រក់ស្ដីអំពីការរំលោភសិទ្ធិមនុស្សរបស់ប្រទេសនេះនៅតែបន្តត្រូវបានគេចោទសួរ។
ជាក់ស្តែង Beckham បានទទូចទៅកាន់អ្នកដែលជិតស្និទ្ធនឹងគាត់ថា គាត់កំពុងធ្វើការជាមួយប្រទេសជាតិដោយសារតែជំនឿរបស់គាត់លើ "ថាមពលនៃបាល់ទាត់ដើម្បីបំផុសការផ្លាស់ប្តូរជាវិជ្ជមាន" ហើយមិនទាក់ទងជាមួយការរំលោភសិទ្ធមនុស្សនោះទេ ស្របពេលដែលបច្ចុប្បន្នលោកក៏ជាទូតសុច្ឆន្ទៈរបស់អង្គការយូនីសេហ្វផងដែរ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
