លោក Ole បង្ហាញមូលហេតុមិនចាកចេញពីតំណែងគ្រូបង្វឹក និងបង្ហាញគម្រោងសម្រាប់ថ្ងៃមុខ
នៅពេលអ្នកកាសែតបានសួរអំពីអ្វីដែលគាត់គ្រោងនឹងធ្វើនាពេលខាងមុខ និងថាតើគាត់កំពុងគិតអំពីការលាលែងពីតំណែងជាអ្នកចាត់ការទូទៅរបស់ Man United ឬយ៉ាងណានោះ លោក Ole Gunnar Solskjaer បាននិយាយថា៖ “មែនហើយ វិធីតែមួយគត់ដែលខ្ញុំដឹងពីរបៀបដើម្បីកែប្រែជីវិត"។
“អ្វីដែលត្រូវធ្វើពេលនេះគឺភ្ញាក់ពីដំណេកនៅព្រឹកស្អែក ដោយមិនទន្ទឹងរង់ចាំ និងវាយតម្លៃអ្វីដែលបានកើតឡើង មានអ្វីខុស ខ្ញុំនឹងកែតម្រូវឱ្យអស់ពីសមត្ថភាព ដើម្បីឆ្លងកាត់ពេលវេលាដ៏លំបាកមួយនេះ"។
"នេះគឺជាអារម្មណ៍ដ៏អាក្រក់បំផុត។ អ្នកមានអារម្មណ៍ថាស្ថិតដល់បាតដី ហើយអារម្មណ៍ដែលយើងធ្លាប់មាន ដែលយើងកំពុងទៅដល់កន្លែងដែលយើងចង់ទៅ ធ្លាប់បានទៅទីនោះ។ ប៉ុន្តែប៉ុន្មានសប្តាហ៍ចុងក្រោយនេះ យើងមានអារម្មណ៍ថាដូចយកកល្បាលបោកផ្ទប់ជញ្ជាំងឥដ្ឋអញ្ចឹង។ លទ្ធផលមិនទាន់មកតាមអ្វីដែលយើងត្រូវការ ការបង្ហាញទម្រង់លេងមិនល្អ យើងរបូតច្រើនគ្រាប់ គ្រាប់បាល់ងាយៗ ស្រួលៗច្រើនពេក កើតមកលើពួកយើង ហើយនោះជាកង្វល់"។
“មែនហើយ ខ្ញុំមិនបានឮអ្វីផ្សេងទៀត [អំពីអនាគតរបស់ខ្ញុំ] ហើយខ្ញុំនៅតែគិតអំពីការងារនៅថ្ងៃស្អែក។ ជាការពិតណាស់ យើងទាំងអស់គ្នាធ្លាក់ចុះខ្លាំងណាស់ ខ្ញុំមិនអាចនិយាយបានថាពេលនេះខ្ញុំមានអារម្មណ៍អាក្រក់ជាងនេះទេ នេះកាន់តែអាក្រក់ ខ្ញុំធ្លាប់ខ្លួនដ៏អាក្រក់បំផុត ប៉ុន្តែខ្ញុំទទួលយកការទទួលខុសត្រូវ ហើយនោះជារបស់ខ្ញុំមិនថាថ្ងៃនេះ ឬទៅថ្ងៃមុខ"។
“ខ្ញុំជឿជាក់លើខ្លួនឯង ខ្ញុំជឿថាខ្ញុំខិតទៅជិតអ្វីដែលខ្ញុំចង់បានជាមួយក្លឹប។ ខ្ញុំគិតថាអ្វីដែលយើងបានធ្វើ អ្វីដែលខ្ញុំបានឃើញ ការអភិវឌ្ឍ ពិតណាស់លទ្ធផលចុងក្រោយ នេះមិនទាន់ល្អគ្រប់គ្រាន់ទេ វាជាការលើកដៃឡើងហើយដែលនាំមកនូវការសង្ស័យក្នុងចិត្តរបស់អ្នកណាម្នាក់។ ប៉ុន្តែខ្ញុំត្រូវតែរក្សាភាពរឹងមាំ ហើយខ្ញុំជឿជាក់លើអ្វីដែលយើងកំពុងធ្វើ បុគ្គលិកគ្រូបង្វឹក កីឡាករ"។
“សប្តាហ៍ក្រោយគឺប៉ះ Tottenham នៅក្រៅដី ហើយប្រកួត Champions League បន្ទាប់យើងប៉ះ Atalanta បន្ទាប់មកទៀតគឺ Man City ។ យើងត្រូវតែសម្លឹងឆ្ពោះទៅមុខ ហើយធ្វើឱ្យប្រាកដថាយើងធ្វើការហ្វឹកហាត់ជាមួយការគិតដ៏ត្រឹមត្រូវ»។
Solskjaer បានឃើញក្រុមរបស់គាត់រងបរាជ័យក្នុងផ្ទះដ៏អាក្រក់បំផុតមិនធ្លាប់មានរបស់ពួកគេក្រោមស្នាដៃក្រុម Liverpool ក្នុងយុគសម័យ Premier League កាលពីថ្ងៃអាទិត្យ។ អ្នកគាំទ្រជាច្រើនបានដើរចេញពីកីឡដ្ឋាននៅពាក់កណ្តាលម៉ោង ហើយហាក់បីដូចជាបានបើកចិត្តអ្នកចាត់ការដោយដាក់សម្ពាធកាន់តែខ្លាំងទៅលើគាត់ក្នុងការជំនួសតំណែង។
ទោះបីជាយ៉ាងណាក៏ដោយ សម្រាប់ពេលនេះ មិនមានរបាយការណ៍ណាមួយអំពីថាតើលោក Solskjaer នឹងត្រូវបណ្តេញចេញទេ ខណៈដែលគាត់នឹងមានបំណងបង្វែររឿងរ៉ាវទល់់នឹង Tottenham Hotspur នៅថ្ងៃសៅរ៍។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
