(វីដេអូ) អត់ចាវទេ! Bruno រត់មកច្រាន Van Dijk ចេញមួយទំហឹង ក្រោយមកបុកស្មា Ronaldo
នៅការប្រកួតរវាងក្លឹបបិសាចក្រហម Man Utd និង Liverpool កាលពីយប់មិញ នៅកៀកបញ្ចប់តង់ទី ១ នៅលើទីលាន បានកើតមានរឿងរ៉ាវក្តៅគគុក ពោលបន្ទាប់ពី Cristiano Ronaldo បង្កកំហុសទៅលើ Jones ដែលលោកបានទាត់គេប៉ុន្មានជើងពេលដួលលើស្មៅ។
មតិជាច្រើននិយាយថា Ronaldo សមតែបានកាតក្រហម តែចុងក្រោយបែរជាទទួលពិន័យកាតលឿងធម្មតាទៅវិញ។ ភ្លាមនោះ Virgil van Dijk ជាប្រធានក្រុម បានបង្ហាញអារម្មណ៍យកចិត្តទុកដាក់មកលើមិត្តរួមក្រុម ហើយបានប្រើកម្លាំងមួយទំហឹង យកទ្រូងមកពើងដាក់ Ronaldo ដល់ខ្ទាតចេញ។
Ronaldo ពេលនោះ បានតឹងសរសៃកដាក់កីឡាករ Liverpool ជាច្រើននាក់ ដែលសំដៅមករកខ្លួន តែខាងកីឡាករ United ក៏មិនទុកឲ្យ Ronaldo នៅតែម្នាក់ឯងដែរ ទោះមិនទាន់ដឹងនរណាខុសត្រូវពិតប្រាកដ ជាពិសេសគឺមិត្តរួមសញ្ជាតិ Bruno Fernandes បានរត់សំដៅមកយ៉ាងលឿន ហើយរុញ Van Dijk ចេញមួយទំហឹងដៃ ឲ្យឆ្ងាយពីរៀមច្បងរបស់ខ្លួន។ ជុំវិញទិដ្ឋភាពដ៏ក្តៅគគុកនេះ ធ្វើឲ្យអ្នកគាំទ្រជាច្រើនចាប់អារម្មណ៍ ព្រោះមិនធ្លាប់ឃើញ Ronaldo ប៉ះគ្នាជាមួយ Van Dijk ដល់ធ្ងន់ធ្ងរបែបហ្នឹងទេ៕
ទស្សនាវីដេអូខាងក្រោម៖
https://youtu.be/dR-MFhpNrjA
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
