Ronaldo និយាយពាក្យទាំងនេះ ការពារខ្លួនឯង ក្រោយគេរិះគន់ថា លេងចាំតែចងមុងស៊ុត
Cristiano Ronaldo នៅរយៈពេលចុងក្រោយ ជាពិសេសក្រោយលេងចាញ់ Leicester City ត្រូវបានអ្នកគាំទ្ររិះគន់ជាហូហែរ ថាលោកលេងមិនរត់ លេងចាំតែចងមុងស៊ុត ហើយថ្ងៃនេះតារាឆ្នើមសញ្ជាតិព័រទុយហ្គាល់ បានចេញមុខមកបកស្រាយហើយ។
ខ្សែប្រយុទ្ធវ័យ ៣៦ ឆ្នាំ បានប្រាប់ប៉ុស្តិ៍ Sky Sports ជាហូហែរ តែយើងសូមសង្ខេបសម្រង់សម្តីសំខាន់ៗដូចតទៅ៖ "ខ្ញុំដឹងថា ពេលណាក្រុមត្រូវការឲ្យខ្ញុំចុះជួយការពារ តែតំណែងសំខាន់របស់ខ្ញុំ គឺនៅខាងលើ គឺចាំបាច់ត្រូវជួយឲ្យក្រុមឈ្នះ ជួយក្រុមរកបានគ្រាប់ ហើយការចុះក្រោម គឺជាផ្នែកនៃការងារតូចមួយប៉ុណ្ណោះ"។
លោកបន្ត៖ "ពាក្យរិះគន់ទាំងអស់នោះ មិនបានធ្វើឲ្យខ្ញុំគេងមិនលក់អ្វីឡើយ ហើយស្មោះត្រង់ទៅ វាជារឿងល្អទៅវិញទេ ព្រោះខ្ញុំគិតថា ការដែលមនុស្សនៅនិយាយពីខ្ញុំ ដោយសារតែពួកគេនៅមើលឃើញពីឥទ្ធិពលនិងតម្លៃរបស់ខ្ញុំក្នុងវិស័យបាល់ទាត់"។
បញ្ជាក់ថា CR7 នៅយប់នេះ នឹងមានភារកិច្ចត្រូវតតាំងក្លឹប Liverpool នាជំនួបជុំទី ៩ ក្របខ័ណ្ឌ Premier League។ ស្ថិតិជារួមរបស់គេនៅ United រដូវកាលថ្មី ៨ ប្រកួត រកបាន ៦ គ្រាប់ហើយឲ្យក្លឹប៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
