មុនប៉ះគ្នា Klopp លាន់មាត់សរសើរកូនក្រុម United ម្នាក់ ថាអាចក្លាយជាកីឡាករល្អបំផុតក្នុងលោក
មុនឈានដល់ការប្រកួត នៅវេលាម៉ោង ១០:៣០ នាទីយប់ ថ្ងៃអាទិត្យនេះ លោក Jurgen Klopp អ្នកចាត់ការក្រុមភ្ញៀវ Liverpool ក៏បានលាន់មាត់សរសើរដល់កីឡាករក្រុមគូប្រជែង Man Utd ថាអាចក្លាយជាកីឡាករល្អបំផុតមួយក្នុងលោកនៅពេលខាងមុខ។
នោះគឺ Klopp និយាយដល់ឈ្មោះ Jadon Sancho ដ្បិតបើគេមិនទាន់បង្កើតផ្លែផ្កាជោគជ័យនៅ United តែជឿថា សមត្ថភាពនិងគុណភាពដែលគេមាន ពេលទៅមុខ គេអាចក្លាយជាកំពូលកីឡាករមួយរូបក្នុងលោកបាន។
Klopp ថា៖ "Jadon Sancho ជាកីឡាករដែលមានទេពកោសល្យលំដាប់ World-class យ៉ាងពិតប្រាកដ គេមានគ្រប់យ៉ាង និងអាចក្លាយជាកីឡាករល្អបំផុតមួយក្នុងលោកនៅពេលអនាគត គ្រាន់ថាពេលនេះគេនៅក្មេងខ្លាំងណាស់"។
លោកបន្ត៖ "កាលនៅ Dortmund គេក៏ទទួលបានការសរសើរផងដែរ ហើយខ្ញុំឃើញគេលេងល្អច្រើនប្រកួតណាស់ ដូច្នេះនៅ United ក៏ដូចគ្នា នេះក្រុមកំពុងមានកីឡាករដ៏ល្អមួយនៅតំណែងប្រយុទ្ធស្លាប"។ រំឭកថា ស្ថិតិកាលនៅក្លឹបក្នុងប្រទេសអាល្លឺម៉ង់ យុវជនវ័យ ២១ ឆ្នាំ រកបាន ៥០ គ្រាប់និង Assist ៦៤ លើកនៅការបង្ហាញខ្លួនសរុប ១៣៧ ប្រកួត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
