កាដូជូនខ្លួនឯង! Zlatan ចាយអស់ប៉ុន្មាន ទិញរថយន្តជំនាន់ពិសេសនៅខួប ៤០ ឆ្នាំ?
នៅថ្ងៃទី ៣ តុលា ឆ្នាំ ២០២១ កន្លងទៅ គឺជាថ្ងៃខួបកំណើតឈានចូលវ័យ ៤០ ឆ្នាំសម្រាប់កីឡាករបាល់ទាត់ក្លឹប AC Milan គឺ Zlatan Ibrahimovich។ សម្រាប់ខួបកំណើតឆ្នាំនេះ តើអ្នកដឹងទេថា បុរសសញ្ជាតិស៊ុយអែតមានអ្វីជូនខ្លួនឯង?
បើតាមការបង្ហោះរបស់ Zlatan ដោយសរសេរពាក្យថា៖ "អបអរថ្ងៃកំណើត Zlatan" អមនឹងរូបភាពនៃរថយន្តសេរ៊ីថ្មី គឺ Ferrari SF90 Spider ដែលវាមានតម្លៃ ៥០០ ០០០ អឺរ៉ូ ឬជាង ៥៨០ ០០០ ដុល្លារអាមេរិក។ វាជាផលិតផលរបស់ប្រទេសអ៊ីតាលីផ្ទាល់តែម្តង ហើយនេះជាជំនាន់ពិសេស ដែលទើបតែចេញលក់ថ្មីថ្មោង ក៏ដូចជាម៉ូដែល Open-top plug-in hybrid របស់ Ferrari ដំបូងផងដែរ។
បញ្ជាក់ថា នេះមិនមែនជាលើកដំបូងនោះទេ ដោយកាលពីថ្ងៃទី ៣ តុលា ឆ្នាំ ២០១៩ នៅគម្រប់ខួបអាយុ ៣៨ ឆ្នាំ ក៏ Zlatan ធ្លាប់ទិញរថយន្តជូនខ្លួនឯងដូចគ្នា។ សារនោះគឺម៉ាក Ferrari Monza SP2 តែវាមានតម្លៃកប់ពពកដល់ទៅជាង ២ លានដុល្លារ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
