Legend នៅ United ប្រាប់ឲ្យ Ronaldo ឈប់បន្តលេងចរិតបែបនេះទៀត
អតីតកីឡាករជើងចាស់នៅក្លឹប Man Utd គឺលោក Paul Ince បានបង្ហាញការយល់ឃើញថា ខ្សែប្រយុទ្ធ Cristiano Ronaldo កំពុងតែបង្ហាញអត្តចរិតមិនល្អហើយ នៅប៉ុន្មានប្រកួតចុងក្រោយ ជាពិសេសក្រោយគេមិនសូវរកបានគ្រាប់បាល់ជាប់លាប់ដូចប៉ុន្មានប្រកួតដំបូង។
Ince និយាយថា Top Scorer នៅ Man Utd ម្នាក់នេះ កំពុងតែមានចរិតដែលធ្វើដូចខ្លួនឯងជាអ្នកគ្រប់គ្រងក្លឹបទាំងមូល ធ្វើអ្វីដែលលែងដឹងមេដឹងកើយ ហើយលោកក៏បានណែនាំទៅ Ole ជាអ្នកចាត់ការ គួរបង្ហាញភាពរឹងមាំ និងនិយាយទៅកាន់ CR7 ឲ្យបានច្បាស់អំពីរឿងហ្នឹងផងដែរ។
បុរសវ័យ ៥៤ ឆ្នាំខាងលើមានប្រសាសន៍ថា៖ "ពេលយើងចុះហត្ថលេខាយក Ronaldo គឺយើងអាចជួបរឿង ២ មួយគឺសុបិនដ៏ល្អបំផុត និងពីរគឺសុបិនដ៏អាក្រក់បំផុតនៅរដូវកាលទាំងមូល តាមពិតទៅដើមឡើយពេល ២-៣ ប្រកួតដំបូងដែលគេរកបានគ្រាប់បាល់ គឺគេមិនអីទេ លុះក្រោយមកគឺផ្សេង"។
លោកសង្កត់ធ្ងន់៖ "Cristiano Ronaldo គឺនៅតែជា Cristiano Ronaldo ជាមនុស្សដែលតែងតែចង់ឈ្នះ លែងខ្វល់ពីអ្វីទាំងអស់ ហើយសម្រាប់ Ole គួរតែផ្ញើសារឲ្យគេបានដឹងផង ថាគាត់ជាអ្នកចាត់ការ ជាចៅហ្វាយ ជាអ្នកសម្រេចចិត្ត ដូច្នេះហើយពេលខ្លះធ្វើឲ្យខ្ញុំមានអារម្មណ៍ថា Ronaldo ត្រលប់មកសារនេះ បាននឹងកំពុងលេងចរិតធ្វើដូចគេកំពុងកាន់កាប់ក្លឹបតែឯងអ៊ីចឹង"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
