មិនមែន Salah តែម្នាក់នេះទេ ដែលកំពុងជំនួសតំណែង Ronaldo និង Messi
ដ្បិតបើនៅរយៈពេលចុងក្រោយ មានការលើកឡើងជាបន្តបន្ទាប់ថា Mohamed Salah កំពុងក្លាយជាកីឡាករអាចជំនួសតំណែង Cristiano Ronaldo និង Lionel Messi ក្នុងនាមជាកីឡាករល្អបំផុតក្នុងលោក តែតាមការយល់ឃើញរបស់អតីតអ្នកចាត់ការក្រុមជម្រើស ជាតិបារាំងលោក Laurent Blanc គឺមើលឃើញផ្សេង។
Blanc បែរជាចុចឈ្មោះ កីឡាករក្លឹប Paris Saint-Germain គឺ Kylian Mbappe ថា ជោគជ័យដែលគេសម្រេចបាន និងសមត្ថភាពដែលគេមានពេលនេះ គឺសក្តិសមណាស់រាប់ថាគេអាចជំនួសតារាឆ្នើមទាំងពីរខាងលើបាន។
Blanc និយាយ៖ "Mbappe គេនៅក្មេងណាស់ តែគេអាចទទួលបានជោគជ័យច្រើន ហើយខ្ញុំគិតថា គេនៅបន្តភាពជោគជ័យនេះទៅមុខទៀត ហើយគ្រប់គ្នាក៏យល់ស្របដែលថាគេនៅមានការអភិវឌ្ឍល្អជាងនេះ ដ្បិតបើពេលនេះគេធ្វើបាននៅកម្រិតដ៏ល្អមួយហើយក៏ដោយ"។
លោកសង្កត់ធ្ងន់៖ "ខ្ញុំមានការជឿជាក់ថា កីឡាករល្អបំផុតក្នុងនៅរយៈពេលមួយទសវត្សចុងក្រោយគឺ Messi និង Ronaldo ពេលវេលារបស់ពួកគេគឺអស់ហើយ តែពេលនេះ គឺដល់ពេល Kylian ជាកីឡាករដែលត្រូវមកជំនួសពួកគេវិញម្តង"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
