Salah ឬ Cristiano? ស្រាប់តែអ្នកចាត់ការ Ole ឆ្លើយបែបនេះភ្លែត
នៅវេលាម៉ោង ១០:៣០ នាទីយប់ ថ្ងៃអាទិត្យខាងមុខនេះ ក្រុមហង្សក្រហម Liverpool នឹងត្រូវចូលជួបម្ចាស់ដី Man Utd ដែលជាជំនួបសង្រ្គាមក្រហម នៅ Super Sunday ហើយក៏ជាការប៉ះគ្នារវាងតារាឆ្នើមទាំងពីរ Cristiano Ronaldo និង Mohamed Salah។
ឈ្មោះអ្នកទាំងពីរ មួយរយៈក្រោយមានការលើកមកជជែកច្រើន ដោយប្រៀបធៀបថានរណាល្អបំផុត បន្ទាប់ពីកីឡាករអេហ្សីបបានបង្ហាញទម្រង់លេងល្អឥតខ្ចោះនៅប៉ុន្មានប្រកួតចុងក្រោយ និងរកបានគ្រាប់បាល់នៅ ៩ ប្រកួតជាប់ៗគ្នា។
កន្លងទៅអ្នកសារព័ត៌មានបានសួរនាំសំណួរដូចគេដូចឯងមួយ តើ Salah និង Cristiano មួយណាល្អជាង? Ole ជាអ្នកចាត់ការ United ឆ្លើយទាំងមិនស្ទាក់ស្ទើរ៖ "ខ្ញុំតែងតែយក Cristiano ហើយ មិនថាស្ថិតក្នុងការប្រកួតបែបណាក៏ដោយ ខណៈដែល Salah ស្ថិតិគ្រាប់បាល់របស់គេក៏ល្អដែរ ខ្ញុំទទួលស្គាល់ថាគេលេងល្អពេលនេះ"។
យ៉ាងណាលោកបន្ថែមថា៖ "យើងដឹងច្បាស់ ថាយើងត្រូវតែការពារឲ្យបានល្អទល់ Salah ខ្ញុំក៏ជាអ្នកគាំទ្រនៃប្រយុទ្ធទាំង ៣ របស់ Liverpool ដែរ ដូច្នេះរយៈពេល ៩៥ នាទីយើងត្រូវតែព្យាយាមទប់កុំឲ្យកើតមានគ្រាប់បាល់"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
