Liverpool ត្រៀមចាំត្រងយកកូនក្រុម City មួយរូប ដែលអេះអុញចង់ចែកផ្លូវ
ក្លឹបហង្សក្រហម Liverpool ត្រូវបានគេរាយការណ៍ថា កំពុងចាប់អារម្មណ៍ក្នុងការចង់បានខ្សែប្រយុទ្ធរបស់ក្លឹបមេឃខៀវ Man City បន្ទាប់ពីប្រកាសអំពីការចង់ចែកផ្លូវ។
នោះគឺកីឡាករ Raheem Sterling ដែលនិយាយថា ខ្លួនចង់បានពេលវេលាលេងជាប់លាប់នៅ City មិនដូច្នោះទេ គេនឹងទៅរកកន្លែងថ្មី ដែលអាចលេងបានច្រើនជាងនេះហើយ។ ជាការឆ្លើយតបមកវិញ Pep Guardiola ក៏មិនហ៊ានធានាដែរ ហើយថា មានតែបណ្តោយទៅតាមហ្នឹង។ ក្លឹបមេឃខៀវ ក៏បានដាក់តម្លៃខ្លួន Sterling មកហើយដែរ គឺយ៉ាងហោចណាស់ ៦៨ លានផោន។
មានក្លឹបធំដូចជា Barcelona ជាដើម ចាប់អារម្មណ៍លើឱកាសសារនេះ ព្រោះចង់បាន គេមករួមជើងជាមួយ Aguero តែយ៉ាងណាតាមសារព័ត៌មាន Bild ក៏ចុះផ្សាយថា Liverpool ជាក្លឹបរួមលីគក៏ចង់បានដូចគ្នា ហើយនេះជាអតីតក្លឹបចាស់របស់ Sterling ផ្ទាល់តែម្តង។
កីឡាករអង់គ្លេសបានផ្ទេរចេញពី Anfield ទៅ Etihad នៅខែកក្កដា ឆ្នាំ ២០១៥ ខណៈសុពលភាពកុងត្រាបច្ចុប្បន្នសល់ដល់ឆ្នាំ ២០២៣។ ដូច្នេះយើងនឹងរង់ចាំមើល តើ Sterling អាចជាសម្រេចចិត្តត្រលប់មកក្លឹបចាស់ ជាក្លឹបគូប្រជែងរបស់ City ដែរឬយ៉ាងណា? គ្រាលេងឲ្យហង្ស គេបង្ហាញខ្លួនសរុប ១២៩ ប្រកួត រកបាន ២៣គ្រាប់និង Assist ២៥ លើក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
