ប្រយ័ត្នស្ដាយក្រោយ! នេះជាគ្រោះថ្នាក់ដែលទទួលបាន បន្ទាប់ពីប្រើប្រេងឆាម្ដងហើយម្ដងទៀត
ដើម្បីសន្សំប្រាក់ គ្រួសារជាច្រើនតែងតែប្រើប្រេងឆាដែលប្រើរួចឡើងវិញ ដើម្បីចៀន ឆា ផ្សេងៗជាច្រើនទៀត ដោយមិនបានដឹងថា ការធ្វើបែបនេះគឺមិនល្អខ្លាំងណាស់។ ដូចនេះ ចូរស្វែងយល់ភ្លាមៗពីជំងឺដែលមនុស្សងាយកើតនៅពេលប្រើប្រេងឆាដដែល។
ហានិភ័យនៃជំងឺមហារីក
ប្រេងឆា ខ្លាញ់ ពេលចៀននៅសីតុណ្ហភាពខ្ពស់ នឹងកើតមានប្រតិកម្មគីមី ផលិតសារធាតុ aldehydes ភ្នាក់ងារអុកស៊ីតកម្ម ដែលសុទ្ធតែជាសារធាតុគ្រោះថ្នាក់ដល់សុខភាព។ ប្រសិនបើអ្នកបន្តប្រើវាបន្តិចម្តងៗ សីតុណ្ហភាពកាន់តែខ្ពស់ សារធាតុទាំងនេះនឹងបន្តផ្លាស់ប្តូរ បង្កើតសារធាតុពុលកាន់តែច្រើន។ ការទទួលទានសារធាតុពុលក្នុងប្រេង និងខ្លាញ់នេះក្នុងរយៈពេលយូរអាចបណ្តាលឱ្យកើតមហារីក ។
ការកើនឡើងកូលេស្តេរ៉ុល LDL
អាហារដែលចម្អិនជាមួយប្រេងប្រើម្តងហើយម្តងទៀតអាចបង្កើនកម្រិត LDL (កូលេស្តេរ៉ុលអាក្រក់នៅក្នុងខ្លួន)។ កម្រិតខ្ពស់នៃកូលេស្តេរ៉ុល LDL អាចបង្កើនហានិភ័យនៃជំងឺបេះដូង ជំងឺដាច់សរសៃឈាមខួរក្បាល និងឈឺទ្រូង។ ហេតុនេះ ត្រូវជៀសវាងការប្រើប្រេងចម្អិនអាហារឡើងវិញ ដើម្បីជៀសវាងបញ្ហាទាក់ទងនឹងកូលេស្តេរ៉ុល។
ក្រពះបញ្ចេញជាតិអាស៊ីតកាន់តែច្រើន
ការប្រើប្រេងឆាម្តងហើយម្តងទៀតអាចបណ្តាលឱ្យមានអារម្មណ៍ក្ដៅក្រពះនិងបំពង់ក កើនឡើងនៃការបញ្ចេញអាស៊ីតក្រពះ។ ជាចាំបាច់ អ្នកគួរចៀសវាងទទួលទានអាហារសម្រន់តាមចិញ្ចើមផ្លូវនិងអាហារចៀនអាហាររហ័ស ដើម្បីជួយកាត់បន្ថយការបញ្ចេញអាស៊ីតក្រពះ។
ការពុលអាហារ
នៅពេលដែលប្រេងដែលប្រើរួចមិនត្រូវបានត្រង និងរក្សាទុកឱ្យបានត្រឹមត្រូវ ភាគល្អិតអាហារដែលបន្សល់ទុកក្នុងប្រេងនឹងបង្កើតលក្ខខណ្ឌអំណោយផលសម្រាប់ការលូតលាស់នៃបាក់តេរី បណ្តាលឱ្យពុលអាហារ ថែមទាំងមានគ្រោះថ្នាក់ដល់ជីវិតទៀតផង។
ប្រភព៖ បរទេស
ព័ត៌មានថ្មីៗ
