ដឹកនាំ ១០០៨ ប្រកួតហើយ Mourinho ទើបស្គាល់ភាពជូរចត់នេះលើកទីមួយក្នុងអាជីព
ឆ្លងកាត់ការដឹកនាំក្លឹបមិនក្រោម ៥ រាប់ចាប់តាំងពីមុនឆ្នាំ ២០០០ មកទល់ពេលនេះជាង ២ ទសវត្សមកហើយ ទើបតែប្រកួតយប់មិញទេ ដែលលោក Jose Mourinho សឹងតែសម្រក់ទឹកភ្នែក ក្រោយជួបលទ្ធផលដែលមិននឹកស្មានដល់។
AS Roma បានបរាជ័យទក់សាច់ ក្រោមថ្វីជើងរបស់ក្លឹបមិនល្បីឈ្មោះ Bodo/Glimt នៅឯលីគលំដាប់ទី ៣ ប្រទេសន័រវេស នៅលទ្ធផល ១-៦។
បើតាមរបាយការណ៍ពី Opta ចុះផ្សាយថា នេះជាប្រកួតដំបូងក្នុងអាជីពជាអ្នកចាត់ការ របស់បុរសជាប់រហស្សនាម "Special One" ដែលក្រុមលោកបានរបូតដល់ទៅ ៦ គ្រាប់/ប្រកួត នៅចំណោមប្រកួតទាំង ១០០៨ លើកដែលធ្លាប់ដឹកនាំ។
ទន្ទឹមនឹងបរាជ័យសារនេះដែរ លោក Mourinho បាននិយាយថា លោកព្រមទទួលយក ហើយវាជាទំនួលខុសត្រូវរបស់លោក ក្នុងនាមជាអ្នកចាត់ការ។ តែយ៉ាងណាលោកមិនរំពឹងថា លទ្ធផលវាដុនដាបដល់ម្លឹងទេ ហើយថែមទាំងសរសើរចំៗ ថាកីឡាកររបស់ក្លឹប Bodo/Glimt ពិតជាលេងបានល្អជាងកីឡាកររបស់ក្លឹប AS Roma។ បញ្ជាក់ថា Roma បានដកកីឡាករសំខាន់ឲ្យសម្រាកច្រើននៅយប់នេះ ហើយដាក់សុទ្ធកីឡាករក្រៅជម្រើស ទើបរងបរាជ័យធ្ងន់ក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
