ឥទ្ធិពល Ronaldo ខ្លាំងដល់ថ្នាក់ ប្រហែលអាចថ្ពក់ចិត្តតារាឆ្នើមម្នាក់នេះឲ្យបន្តឈរជើងនៅ United
នៅរយៈពេលចុងក្រោយ យើងទទួលដំណឹងថា កីឡាករជាច្រើន ដែលអាចនឹងចាកចេញពីក្លឹប Man Utd ខ្លះទៅ ជាផែនការណ៍ដែលក្លឹបបម្រុងលក់ ខ្លះកៀកនឹងត្រូវផុតកុងត្រាហើយជាតារាឆ្នើមដ៏សំខាន់ក្នុងក្រុមទៀតផង។
តួយ៉ាងគឺអនាគតរបស់ Paul Pogba ដែលត្រូវផុតកុងត្រានាចុងខែមិថុនា ឆ្នាំ ២០២២ ខាងមុខ លេចលឺថាគេមានក្លឹប Real Madrid, Juventus និង PSG តាមសម្លឹងចង់បាន ហើយសាមីខ្លួនផ្ទាល់កន្លងទៅក៏បង្ហើបពីអារម្មណ៍ចង់ផ្ទេរចេញពី Old Trafford ផងដែរ។
យ៉ាងណាស្រាប់តែថ្មីៗនេះ កីឡាករបារាំងក៏ឲ្យតម្រុយវិជ្ជមានពីការដែលអាចនឹងបន្តនៅ ហើយនិយាយពីឥទ្ធិពល Cristiano Ronaldo មានមកលើការសម្រេចចិត្តរបស់ខ្លួន។ ប្រាប់ទៅ Fabrizio Romano តារាឆ្នើមសញ្ជាតិបារាំងខាងលើនិយាយ៖ "ខ្ញុំនៅតែបន្តរីករាយនឹងការលេងឲ្យ Man Utd ជាពិសេសគឺ Cristiano Ronaldo គាត់អស្ចារ្យខ្លាំងណាស់សម្រាប់ខ្ញុំ គាត់ជាកីឡាករល្អបំផុតមួយក្នុងលោក ខ្ញុំពិតជាចូលចិត្តការលេងជាមួយគាត់"។
គួរបញ្ជាក់ថា United ពិតជាចង់ខ្លាំងណាស់ ក្នុងការថ្ពក់ចិត្តឲ្យខ្សែបម្រើវ័យ ២៨ ឆ្នាំបន្តកុងត្រាថ្មី ព្រោះគុណភាពរបស់គេគឺនៅតែមាន ជាពិសេសនៅរដូវកាល ២០២១/២២ ទៅមើលស្ថិតិបង្ហាញខ្លួន ១១ ប្រកួត គេ Assist បាន ៧ លើកហើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
