ល្មមហង្សព្រឺរោមដែរ! នេះមកមើលស្ថិតិជារួម ដែល Ronaldo លេងប៉ះ Liverpool
នៅប្រកួតក្នុងទឹកដី Old Trafford នាចុងសប្តាហ៍នេះ នឹងមានសង្រ្គាមក្រហមកើតឡើង ដោយជាការប៉ះគ្នារវាង Man Utd និង Liverpool នៃប្រកួតក្របខ័ណ្ឌ Premier League។ គេកំពុងរង់ចាំមើលថា តើ Man Utd អាចយកឈ្នះបានឬអត់ ព្រោះវាជាប្រកួតដំបូងដែល Cristiano Ronaldo លេងទល់ក្រុមកំពូល ក្រោយការវិលត្រលប់មកវិញសារជាថ្មី។
ក្នុងអត្ថបទនេះ យើងសូមបង្ហាញស្ថិតិជារួម ដែល Ronaldo ធ្លាប់តតាំង Liverpool ដោយប៉ះគ្នាសរុបព ១២ ប្រកួត ធ្លាប់ឈ្នះ ៨ ស្មើ ១ និងចាញ់តែ ៣ លើកប៉ុណ្ណោះ ហើយការរកគ្រាប់បាល់ Ronaldo ធ្វើបាន ៣ គ្រាប់។
ក្នុងនោះមានស្ថិតិនៅ Premier League សុទ្ធ ៨ លើក ដែលឈ្នះ ៥ ស្មើ ១ ចាញ់ ២ រកបាន ២ គ្រាប់ នេះជាការលេងឲ្យក្លឹប Man Utd ទាំងអស់ រាប់ចន្លោះឆ្នាំ ២០០៤ ដល់ ២០០៩ មុនលោកផ្ទេរទៅក្លឹប Real Madrid។
ខណៈនៅ UCL ពេលឈរជើងឲ្យ Real Madrid សម្រាប់ CR7 ឈ្នះទាំង ៣ លើក ហើយរកបាន ១ គ្រាប់។ មួយលើកទៀតគឺនៅពាន FA Cup ជំនាន់ឆ្នាំ ២០០៦ តែសារនោះ Liverpool យកឈ្នះ ១-០៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
