ទោះធ្លាប់រួមជើង ៣ ឆ្នាំ តែ Henry ចុចឈ្មោះម្នាក់នេះ ជាជាង Messi ជាកីឡាកររួមក្រុមល្អបំផុត
អតីតកីឡាករជើងចាស់លោក Thierry Henry ក្រោយផ្ទេរចេញពីក្លឹប Arsenal លោកបានមកចាយពេល ៣ ឆ្នាំ រួមជើងជាមួយ Lionel Messi នៅក្លឹប FC Barcelona។ ចន្លោះពេលនោះ ក៏ជាយុគសម័យមាសដែលអ្នកមានបុណ្យជោគជ័យខ្លាំងផងដែរ ហើយ Henry និង Messi បានឈ្នះពានរង្វាន់រួមគ្នា គឺ La Liga ២ លើក និង Champions League ១ លើក។
តែយ៉ាងណាសួរនាំអំពីកីឡាកររួមក្រុមដែល Henry យល់ឃើញថា ល្អបំផុតក្នុងអាជីពជាកីឡាកររបស់លោក ស្រាប់តែវីរបុរសបែលហ្សិកបានរំលងឈ្មោះ Messi ហើយបែរជាចុចឈ្មោះជើងចាស់កាលនៅក្លឹប Arsenal គឺ Dennis Bergkamp វិញ។
លើប៉ុស្តិ៍កម្មវិធីមួយដែលមានគេសួរ Henry បែបនេះថា៖ "តើកីឡាករល្អបំផុតណាមួយ ដែលអ្នកធ្លាប់រួមជើងជាមួយ"។ ស្រាប់តែ Henry ឆ្លើយភ្លែត៖ "គឺ Dennis Bergkamp"។
គួរបញ្ជាក់ថា អតីតកីឡាករហូឡង់ ធ្លាប់បានរួមជើងជាមួយកីឡាករបែលហ្សិកខាងលើ កាលឈរជើងឲ្យក្លឹប Arsenal ដែល Bergkamp បានចាយពេលចន្លោះឆ្នាំ ១៩៩៥ ដល់ ២០០៦ ជាពេលចុងក្រោយមុនលោកប្រកាសចូលនិវត្ត។ ស្ថិតិនៃការបង្ហាញខ្លួនរបស់ខ្សែប្រយុទ្ធ Bergkamp លោករកបាន ២៦០ គ្រាប់និង Assist ១២០ លើក នៅការលេង ៧២៤ ប្រកួត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
