Scholes ប្រាប់ឲ្យ United កែរឿងនេះ បើមិនចង់លេងចាញ់ Liverpool នៅចុងសប្តាហ៍
អតីតខ្សែបម្រើលោក Paul Scholes បានបង្ហាញការយល់ឃើញ ពាក់ព័ន្ធនឹងទម្រង់លេងរបស់ Man Utd កាលពីយប់មិញ ដ្បិតបើអាចយកឈ្នះ ៣-២ ទៅលើ Atalanta តែលោកនៅតែជឿជាក់ថា ក្រុមមានចន្លោះប្រហោងដែលត្រូវកែតម្រូវ។
ជាការបញ្ជាក់ មុន United ត្រូវបន្តភារកិច្ចសំខាន់នៅ Premier League ដែលត្រូវប៉ះ Liverpool នាចុងសប្តាហ៍ខាងមុខនេះ។ លោក Scoles មើលឃើញថា របៀបលេងដែល United បង្ហាញចេញមកនៅតង់ទី ១ ទល់ Atalanta គឺមិនត្រូវបន្តរបៀបហ្នឹងទៀតនោះទេ ពោលបើប៉ះ Liverpool ហើយលេងរបៀបហ្នឹង គឺដឹងតែយ៉ាប់ហើយ។
ប្រាប់ប៉ុស្តិ៍ BT Sport លោក Scholes និយាយ៖ "យើងបានសាទរនៅជ័យជម្នះសារនេះ តែមើលទៅការលេងតង់ទី ១ របស់ United គឺធ្វើឲ្យខ្ញុំបារម្ភខ្លាំងមែនទែន ហើយធ្វើឲ្យខ្ញុំគិតដល់ប្រកួតត្រូវប៉ះ Liverpool នៅចុងសប្តាហ៍ ក៏ដូចជាទល់ Man City នាពេលបន្ទាប់ គឺវារាប់បានជារឿងខុសឆ្គងមួយហើយ"។
លោកបន្ត៖ "ខ្ញុំរីករាយនឹងទស្សនាការប្រកួតនេះ ដោយមានស្នាមញញឹមលើទឹកមុខកីឡាករ ជាមួយគ្រាប់បាល់ដែលពួកគេស៊ុត គឺពិតជាអស្ចារ្យ តែណាស់នៅតង់ទី ១ វាជារឿងធ្វើឲ្យខ្ញុំគាំងតែម្តង ពួកគេមានកង្វះការលេងជាក្រុម ដែលត្រូវតែកែតម្រូវ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
