Ronaldo ទទូចទៅថ្នាក់លើក្លឹប ឲ្យយកអ្នកចាត់ការថ្មីម្នាក់នេះ មកជំនួសតំណែង Ole
បន្ទាប់ពីបរាជ័យ ក្រោមថ្វីជើងរបស់ Aston Villa និង Leicester City ហើយលេងបានត្រឹមស្មើ Everton នៅ ៣ ប្រកួតចុងក្រោយ ក៏នាំឲ្យកៅអីរបស់លោក Ole Gunnar Solskjaer ហាក់រងភាពក្តៅគគុកខ្លាំង ជាពិសេសមតិពីអ្នកគាំទ្រដែលទាមទារចង់ឲ្យក្លឹបដកលោកចេញពីតំណែង។
យ៉ាងណាបើតាមរបាយការណ៍ពី El Chiringuito ក៏បានចុះផ្សាយដែរថា សូម្បីតែតារាឆ្នើម Cristiano Ronaldo ក៏ចង់ឲ្យ Ole ចាកចេញពីកៅអីអ្នកចាត់ការដូចគ្នា ហើយចង់បានអតីតគ្រូចាស់របស់ខ្លួន កាលដឹកនាំនៅក្លឹប Real Madrid នោះគឺ Zinedine Zidane ឲ្យមកដឹកនាំជំនួសវិញ។
សម្រាប់គ្រូសញ្ជាតិបារាំង លោកបានទំនេរជើងចាប់តាំងពីប្រកាសដើរចេញពីតំណែងនៅស្តេចស ហើយមានមតិខ្លះយល់ឃើញថា Zidane ចាំចាប់តំណែងជាគ្រូបង្គោលនៅជម្រើសជាតិ បន្ទាប់ពីលោក Didier Deschamps។ យ៉ាងណាតាមស្ថានភាពបច្ចុប្បន្ន បើ United បើកផ្លូវ នោះថាមិនត្រូវ Zidane នឹងព្រមមកក៏ថាបាន។
គួររំឭកថា ការលេងរបស់កីឡាករព័រទុយហ្គាល់ជាមួយ United ឯណោះវិញ រាប់ថាធ្វើបានល្អគួរសម ដោយ ៧ ប្រកួតរកបាន ៥ គ្រាប់ឲ្យបិសាច។ នៅរាត្រីនេះ Ronaldo មានភារកិច្ចត្រូវជួយក្រុមលេង UCL តតាំង Atalanta ជាប្រកួតវគ្គចែកពូល ជុំទី ៣៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
