បើបានមកដឹកនាំ United គ្រូធំ Conte ចុចឈ្មោះម្នាក់នេះហើយស្រេច ចង់នាំចូលដំបូងគេ
លោក Antonio Conte និង Zinedine Zidane នារយៈពេលចុងក្រោយ លោកបានស្ថិតក្នុងការផ្សារភ្ជាប់ទៅនឹងតំណែងអ្នកចាត់ការក្លឹប Man Utd បន្ទាប់ពីលោក Ole Gunnar Solskjaer ដឹកនាំមិនបានល្អនាប៉ុន្មានប្រកួតចុងក្រោយ។
ដ្បិតបើស្ថានភាពមិនទាន់ជាអាក្រក់ខ្លាំង ហើយតំណែងរបស់លោក Ole នៅមានសុវត្ថិភាព តែយ៉ាងណា Conte ក៏នៅតែមានភាគរយអាចចូលកាន់តំណែងនេះ នៅពេលខាងមុខណាមួយ ស៊ីសងលើទម្រង់លេងទៅពេលខាងមុខរបស់ក្រុមបិសាច។
បើតាមសារព័ត៌មាន Fichajes បានចុះផ្សាយថា Conte ក៏សម្លឹងឃើញគោលដៅដែលត្រូវយកមកពង្រឹងក្រុមរួចជាស្រេចហើយដែរ នោះគឺលោកបម្រុងចង់ចុះហត្ថលេខាលើកីឡាករដំបូងមក Old Trafford ដែលជាអតីតកូនក្រុមនៅ Inter Milan គឺកីឡាករ Nicolo Barella។
កីឡាករសញ្ជាតិអ៊ីតាលី ស្ថិតក្រោមការដឹកនាំរបស់ Conte កាលនៅក្លឹប Inter ហើយជាចំណែកសំខាន់ជួយក្រុមលើកពាន Serie A ខណៈដែលរដូវកាលនេះ ក៏នៅតែល្អ ១០ ប្រកួត រកបាន ១ គ្រាប់និង Assist ៦ លើក ជាប់ឈ្មោះជាខ្សែបម្រើដែលក្លឹបខ្វះពុំបាន។
គួររំឭកថា បុរសវ័យ ២៤ ឆ្នាំ ជាប់កុងត្រាជាមួយក្លឹបម្ចាស់ដី San Siro ដល់ចុងខែមិថុនា ឆ្នាំ ២០២៤។ កន្លងមកក៏មានចចាមអារ៉ាមថាក្លឹបចង់បន្តកុងត្រាថ្មីឲ្យគេផងដែរ ខណៈក្លឹបនៅអង់គ្លេស Liverpool ក៏ធ្លាប់ចាប់អារម្មណ៍ព្យាយាមចង់យកគេដូចគ្នា៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
